Asosiy mavzular
5 yanvar 2018

OSI: Inoyatovlarning Rossiyadagi biznesi (video)

Ochiq manbalar asosida surishtiruv olib boruvchi Open source investigations jurnalistik guruhi, 29 dekabr kuni Sharif Inoyatovning Rossiyadagi yirik biznesiga oid ma'lumotlarni e'lon qildi.

Sharif Inoyatov Rossiyadagi Uzgardens ulgurji savdo shirkatining yuz foiz ulushi egasidir.

Sharif Inoyatov, O‘zbekistondagi qudratli MXX raisi, bu idorani 22 yildan buyon boshqarib kelayotgan Rustam Inoyatovning o‘g‘lidir.

Uzgardens – Rossiyaning O‘zbekistondan meva sabzavot yetkazib berishga ixtisoslashgan yirik shirkatidir.

Inoyatovlar Kompaniyasi Gold Dried Fruits Exportning Rossiyadagi eksklyuziv importeri va distribyutori sanaladi. GDF Export esa O‘zbekistondagi yirik quruq meva va sabzavot ishlab chiqaruvchi tarmoqdir.

Maqolada tasdiqlanishicha, Rustam Inoyatov nafaqat general-polkovnik, balki mansabidan oilasini boyitishda foydalanuvchi oligarx hamdir.

O‘zbekiston sobiq Sovet Ittifoqining yirik meva sabzavot eksporteridir. U Eron va Tojikiston bilan birgalikda Rossiya importining 80 foizini ta'minlab keladi.

2012 yili, Yevropa Ittifoqi va boshqa davlatlar Rossiyaga meva-sabzavot iprortini to‘xtatgach, Toshkentda Gold Dried Fruits Exports nomi ostida kampaniya tashkil qilingan edi.

Kampaniyadan ko‘zlangan maqsad o‘zbek meva sabzavotining Rossiya bozoridagi raqobatbardoshligini oshirish bo‘lgan.

Bir yil o‘tib, 2013 yili, 7 gektar maydonda, kuniga 120 tonna meva va sabzavotni qayta ishlashga mo‘ljallangan ulkan zavod quriladi.

Sharif Inoyatovga tegishli GDF Export fabrikasi tezgina O‘zbekistondan quruq meva va sabzavot yetkazib beruvchi ulkan korxonaga aylanadi. Uning 95 foiz maxsuloti MDX davlatlariga va asosan Rossiyaga eksport qilinadi.

2015 yilning 3 iyunida Sharif Rustamovich Inoyatov, «Meva sabzavot savdosi»ga mo‘ljallangan Rossiyaning cheklangan mas'uliyatli shirkati bo‘lgan UZGARDENSga asos soladi.

Shirkat aktsioneri sifatida Rustam Inoyatovning o‘g‘li Uzgardensning mutlaq egasidir. Shirkat sayti, jumladan shu yilning 6 oktyabrida Uzgardens shirkatining Toshkentdagi ofisiga Checheniston raxbari Ramzan Qodirov tashrifi haqida yozgan.

OSI surishtiruv guruhi, O‘zbekiston maxfiy xizmati generalining o‘g‘li Moskvadan tashqari Tula va Venaning Zaltsburg shaharlariga ham sarmoya kiritgani haqida yozdi.

Masalan, Tula shahridagi «Volovskiy kombikorm zavodi»ning 30 foiz ulushi ham Sharif Inoyatovga tegishli. Sharif Inoyatovning Zavoddagi hamkorlari, Rashid Dashlakiev, Ravshan Ubaydullaev va Baxtiyor Fozilovlardir.

Inoyatovlarga qarashli Venadagi Benif Handels shirkatiga yotqizilgan sarmoyalarni esa OSI bundan oldingi surishtiruvida ochiqlagandi.

Video: https://youtu.be/TPxfroBIm9k

Eltuz.com

Tag‘in o‘qing
5 yanvar 2018
Ochiq manbalar asosida surishtiruv olib boruvchi Open source investigations jurnalistik guruhi, 29 dekabr kuni Sharif Inoyatovning Rossiyadagi yirik biznesiga ...
11 mart 2019
Farg‘ona viloyatining Bag‘dod tumanidagi 16-o‘rta maktabning 8-sinf o‘quvchisi 7 mart kuni chaqaloqli bo‘ldi. Bu maktab tumandagi Karimbobo qishlog‘ida joylashgan. ...
27 aprel 2021
«Eltuz» kanalining qadrli muxlislari. Agar sizda mavzuga oid muhim xabarlar bo‘lsa, kechgan voqealar haqida gapirmoqchi bo‘lsangiz, «Eltuz»ning telegramdagi +49 ...
19 dekabr 2016
Taniqli xonanda Ozoda Nursaidova 17 dekabr kuni o‘zining instagramm sahifasida Shavkat Mirziyoevdan kechirim so‘rashi haqida yozdi va saylovda unga ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...