Asosiy mavzular
26 may 2021

Avtobus-7. Muxolifatga qarshi qo‘shiq

“Abdulla G‘arib prodakshn”, rassom Elsevar, rassom Tuz va “Eltuz” yangi siyosiy satirik animatsion filmlar turkumining 7-qismini taqdim etadi.

Avtobusni rus traktorchisi shatakka olib tortib ketyapti.

Sho‘pir (avtobus ovozkuchaytirgichi orqali): Hurmatli avtobus xalqi! Oramizdan chiqqan vatan xoinlariga qarshi qo‘shiq bilan javob beramiz.

Chol: Bir paytlar Brejnev degan baroqqosh SSSR kattasi edi. O‘sha ham noning bo‘lsa qo‘shiq ham yarashadi, degandi. Bu sho‘pirning noni yo‘q, yana qo‘shiq ayttiradi. Och qoringa qo‘shiq na hojat?

Chiptachi: Mana, men aytaman qo‘shiqni.

Orzularim boshladi yo‘lga.

Hali yetar manzilim yiroq.

Manzilga to yetib olguncha

Sho‘pir buvam abadiy hamroh.

Sho‘pir: Ha, aylanay, chiptachi!

Olifta: Juft bo‘lsin, opajonginam. Do‘lana, do‘lanani ayting. Bir eshitaylik otam zamonidagi qo‘shiqni.

1-yangi personaj: «Do‘lana»ni aytadi.

2-yangi peronaj: Haddan oshma, muxolifat.

Xonimchi: O‘chir ovozingni, o‘ch, o‘ch, o‘ch («Kelinlar qo‘zg‘olonida»gi Sottining ovozi).

Mulla: Repertuaring eskiribdi. Yangi, zamonaviy qo‘shiq aytish kerak. Tili tili, trallivali…

Olifta: Men aytaman qo‘shiq

Chol: Ayt, bolam. Ësh bolalarning ovozi shirin bo‘ladi.

Olifta: Partiya tuzmakka yo‘qdir yuragi,

Hadikdan panada yuradi sokin.

O‘zining dumini quvgan it kabi

Yurtdoshin og‘zini yumadi keskin.

Sho‘pir: Ha, aylanay!

Xonimchi: She'r yozadi qarg‘ab muxoliflarni,

Mashshog‘i kuyini chalar basma-bas.

Ketyalab o‘rgangan otarchilari

She'rni qo‘shiq qilar shu nafas.

Chol: Yashavar! Hey, do‘st. Ë Ollo!

Ko‘zoynakli amaki: Yuragi qo‘rquvdan dag‘-dag‘ qaltirab,

Pardaning ortidan hurkib turadi.

Molini qashqirlar talashsa ham u

“Yurtimiz tinch-ku”, deb kulib turadi.

Chol: Ë bismillo! Allohi karim!

Chiptachi: Avtobusimiz tinch. O‘ris traktorchi omon bo‘lsin. Kelinglar, traktorchining vatanini maqtab qo‘shib aytamiz.

Xonimchi:

Rossiya, Rossiya, azamat o‘lka!

Men sening qizingman, xotining emas.

Sho‘pir: Aylanay. Moskvaga rahmat aytadigan qo‘shiq kerak bizga. Biz Moskvaga bog‘langanmiz. 60 yoshga kirib tushunganim shu. Musiqa qo‘yadi. Karnaydan qo‘shiq yangraydi.

«Moskvadan nur olgan baxt mayog‘i…». Odamlar raqsga tushadi…

P.S. Videoda G‘ayrat Omonov she'rlaridan foydalanildi

Eltuz.com

Tag‘in o‘qing
12 aprel 2017
Raxmat Aqilov Shvetsiyaga kelguniga qadar ham radikal kayfiyatda bo‘lganini yozadi shved nashrlari. Foto: expressen.se U Shvetsiyaga 2014 yili Turkiya ...
7 aprel 2017
Erkaklarning doyalik qilishini «sharmandalik» deya atagan 42 yoshli toshkentlik imom xatib Rahmatulloh Sayfutdinov chaqirig‘i ortidan vazirlikka shikoyat qilgan Farida ...
7 yanvar 2024
O‘zbek vatandoshlarining Turkiyada qamoqqa olinganiga oid rasmiy bilgi: O‘zbekiston Respublikasi va Turkiya Respublikasining huquqni muhofaza qiluvchi organlari hamkorligida 2024 yil ...
1 iyul 2019
Shu kunlarda Andijon viloyati hokimi Shuhrat Abdurahmonovning respublika darajasidagi rahbarlardan tortib mahalliy amaldorlargacha shaltag‘ini chiqarib so‘kkani mojarosi OAVlaru ijtimoiy ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...