Tolli qishlog‘ining loyga botgan ko‘chalari

Eltuzga 10 fevral kuni tasvirga olib yuborilgan videoda Qashqadaryo viloyatning Qamashi tumani Tolli qishlog‘ining loyli ko‘chalari aks etgan.

«Shu rolik 21 chi asrda olinganmi? Essiz insonlar…» deya yozdi videoni ko‘rgan Eltuz muxlislaridan biri.

Loyga botib qolgan avtomobilni aholi itarib chiqarishga harakat qilishmoqda. Maktab o‘quvchilari shu botqoq yo‘llar orqali darslarga borib kelishmoqda. Boshqa bir tasvirda bir gurux bolalar esa loyli “sport maydoni”da koptok tepishmoqda.

«Ahvol og‘ir. Ayniqsa qish kunlarida bu juda qiyin, kasalliklar ortgan. Tuman hokimligidagilar bu haqda yozilgan arizalarga e'tibor berishmayapti», deyishmoqda Tolli qishlog‘i turg‘unlari.

Ular Eltuzdan qishloqdagi harob ahvol haqidagi shu videoni e'lon qilishimizni, shu yo‘l bilan  kerakli joylarga yetkazishni so‘rashgan.

Eltuz.com