Shvetsiya uchta rus diplomatini mamlakatdan haydadi

Stokgolmdagi Rossiya elchixonasi oldidagi avtobus bekatida Ukrainada urush boshlangan kundan buyon rus (va ingliz) tilida yozilgan quyidagi e'lon baneri osig‘liq turibdi. Shvetsiyadagi rus elchixonasi xodimlari va elchixonaga ishi tushgan ruslar poytaxtning ovloq chekkasidagi o‘rmonda joylashgan bu idoraga borish uchun shu avtobus bekatida to‘xtashadi. Ishdan qaytishda yana avtobus kutib, o‘zlari uchun sharmandali e'lonni o‘qishadi. Unda shu so‘zlar yozilgan.

”Janobi chekistlar

…va Rossiya elchixonasining boshqa xodimlari, ishga borib kelish Siz uchun og‘ir kechmayaptimi? Kun oxirida uyatdan qiynalmaysizmi?

Yaqinda qochishga umuman kech bo‘ladi.

Siyosiy boshpana olish yuzasidan maslahat olish uchun biz bilan bog‘laning,

Qahva bilan mehmon qilamiz!

ASYlBYRÅN”

Shvetsiyadagi qochqinlar bilan ishlash idorasining maxsus kuar-kodi ilova qilingan ushbu e'loni Avtobus bekatining mahsus yoritiladigan reklama oynasiga joylangan. Ko‘pchilik rus diplomatlari shvetsiyadagi rus qochqinlari bilan bir stolga o‘tirishdan or qilishadi, endi esa qochqinlar rus diplomatlari uchun noyob imkoniyat – qochish uchun belgilangan muddatning ham tugaganiga ishora qilishmoqda. Chunki 5 aprel kuni rasmiy Stokgolm uchta Rossiya diplomatini mamlakatdan chiqarib yubordi. Bu haqda Shvetsiya Tashqi ishlar vaziri Anna Linda bildirdi. @eltuz Haydalish kuyini chalingiz…

Qudrat Bobojon

Shvetsiya