Asosiy mavzular
16 noyabr 2022

DXX tazyiqiga uchragan Eltuz rassomi Elsevar vafot etdi

O‘zbekiston rassomlar uyushmasi a'zosi, rangtasvir, grafika va karikatura ustasi, yetuk rassom, Eltuz ijodiy jamoasi a'zosi Shavkat Muzaffar (Shavkat Turopov) 54 yoshida 15 noyabr kuni Toshkentda olamdan o‘tdi.

Rassom Shavkat Muzaffar (Elsevar) chizgan karikatura. 2016 yil


Shavkat Muzaffar Eltuzga Elsevar taxallusi bilan karikaturalar chizardi.
Qator xalqaro ko‘rgazmalarda karikaturalari e'tirof va sovrinlarga sazovor bo‘lgan Shavkat Muzaffar 2016 yili Chexiyaning Praga shahrida siyosiy faol rassomlar uchun o‘tkazilgan treningda qatnashgani ortidan o‘sha davrdagi O‘zbekiston MXX tashkiloti tazyiqlariga duchor bo‘ldi.
Bu tazyiqlar rassom hayotini ostin-ustun qilib yubordi.
Shavkat Muzaffar Eltuz nashri ochilgan ilk kunlardan boshlab, nashr bilan yaqindan hamkorlik qilgan va portalning vizual qiyofasini belgilashda katta yordam bergan edi.
Eltuz jamoasi o‘z rassomi Shavkat Muzaffarning yaqinlariga ta'ziya bildiradi.
Shavkat Muzaffar 1968 yil Toshkent shahrida tug‘ildi. 1993 yilda Toshkent arxitektura va qurilish institutining arxitektura fakultetini tamomladi.

Rassom Shavkat Muzaffar (Elsevar) chizgan karikatura. 2016 yil


1989−1993 yillarda «Tashgiprogor» va «Uzniipr» loyihalash institutlarida, 1993−2003 yillarda «O‘zsanoatkurilishbank» tizimida, 2007−2010 yillarda «Mushtum» hajviy jurnalida, 2015−2020 yillarda Toshkent shahar Madaniy meros boshqarmasida va Toshkent shahar madaniyat boshqarmasida faoliyat yuritgan. Shu paytga qadar Shavkat Muzaffar «Mushtum» jurnali va Xalqaro islom akademiyasining «Ziyo» studiyasida faoliyat yuritib keldi.
Shavkat Muzaffarning bir qancha rangtasvir, grafika, karikatura va shuningdek hattotlik asarlari AQSh, Germaniya, Chexiya, BAA, Frantsiya, Janubiy Koreya, Malayziya, Saudiya Arabistoni kabi qator mamlakatlarning shaxsiy kollektsiyalarida, shu jumladan, AQSh Kongressi kutubxonasining Markaziy Osiyo fondida saqlanadi.

Rassom Shavkat Muzaffar (Elsevar) chizgan karikatura. 2017 yil


Rassom asarlaridan bir nechtasi Chexiyadagi Bohemiya unversiteti rahbari professor Xolnazar Omonov kollektsiyasida mavjud.

Rassom Shavkat Muzaffar (Elsevar) chizgan karikatura. 2016 yil


Rassom ko‘plab xalqaro tanlov-konkurslar, ko‘rgazmalarda faol ishtirok etgan, bir qancha asarlari Yevropa va Osiyo mamlakatlari ko‘rgazmalarining kataloglaridan joy olgan.
Xususan, bir necha marta dunyoning eng nufuzli World press cartoon tanlovida O‘zbekiston nomidan qatnashgan. 2007 yil «Oltin qalam» milliy mukofotiga, 2016 yil«Mustaqillikning 25 yilligi» medaliga sazovor bulgan.
Alloh g‘ariqi rahmat, shoistai jannat aylasin Elsevarni!

Eltuz jamoasi

Tag‘in o‘qing
9 noyabr 2020
Yaqinda O‘zbek milliy akademik drama teatriga Nazar Eshonqul qalamiga mansub “Jaloliddin Manguberdi” spektaklini tomosha qilgani bordim. Bu yangi mavsumning ochilishi edi.  Karantinchilikdan zerikkan barcha ...
13 dekabr 2018
Filmning so‘nggi, 5-qismi sobiq militsiya mayori, xalq orasida “Rembo” deya nom qozongan Qahramon Xo‘jaqulov qarindoshlarining sirli o‘limlari, Xo‘jaqulovni hibsga ...
8 iyun 2022
Xorazmning Urganch shahridagi rus tiliga ihtisoslashtirilgan maktabda shu maktab direktorining rus tilidagi ohangi tarmoqlarda muhokamalarga sabab bo‘ldi. “Eltuz” muxbirining ...
1 avgust 2018
Inson huquqlari bo‘yicha o‘zbek-german forumi «O‘zbek fermeri uchun ipak bo‘yinturuq» nomli hisobotini e'lon qildi, bunda O‘zbekiston pillachiligida majburiy mehnatdan ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...