Asosiy mavzular
8 may 2023

Rossiya armiyasiga chaqirilayotgan o‘zbeklar, Ichon qal'adagi zararli qurilish, gaz va ipoteka muammolari – EP74

Salom qadrli muhlislar. Eltuz portaliga kelgan navbatdagi 5 ta shikoyatni o‘qib eshittiramiz. Maktublar O‘zbekistonning Samarqand, Xorazm, Qashqadaryo viloyatlari va Rossiyaning Moskva shahridan kelgan. Dastlabki maktub Samarqand shahridan.  Samarqandlik fuqaro referendum arafasida yog‘ arzonlagani ammo bankirlar kelib ipoteka kreditlarni to‘lashni talab  qilayotganidan nolimoqda. Ammo kotlet aloxida, pashsha alohida. Xatni o‘qiymiz.

«Samarqand shahridan murojaat qilyapmiz. Shodiyona MFY tozalik va bayram munosabati bilan yig‘ilish chaqirib, har bir xonadon vakili o‘zini hurmat qilgan holda kelishi shartligini yozibdi. Mahalla ma'muriyati shunday ohangda murojaat qilishi to‘g‘rimi? Referendum arafasida 480 minglik un va un mahsulotlari teng yarmiga, yog‘ mahsulotlari esa 20 minggacha arzonlagan. Ammo ipoteka krediti bo‘yicha bankirlar oqshom soat 22:30 da ham aholi xonadoniga kelib kreditni to‘lashi kerakligi, aks holda chiqarib yuborilishi haqida gapirmoqda. 

Kechqurun bank xodimlarining aholi uyiga kredit talab qilib borishini qanday izohlash mumkin? Bilishimcha, Markaziy bankning 3262-sonli qarorida aholi uyiga kredit so‘rab borish mumkin emasligi,  faqat xat jo‘natilishi kerakligi aytilgan. Bank xodimlari va yuristlari aholi mol-mulkini xatlab ketmoqda. Sudyalar aholi sudda  qatnashmasa ham qaror chiqarib yuborayotgani haqida xabarlar bor».

Qonunga ko‘ra, olingan kredit vaqtida to‘lanishi kerak. Konstitutsiyani qabul qilish maqsadida tarqatilgan yog‘ esa alohida mavzu.  Navbatdagi maktub ancha jiddiy. Yunesko ochiq osmon ostidagi noyob obida sifatida ro‘yxatga olgan Ichon qal'a xududida boshlangan qurilish yuzasidan. 

«Ichan-qal'a   Davlat muxofasasiga olingan, Yuneskoning obidalar ro‘yhatida turuvchi Ichan-qal'a shaharchasi devorlarining yonginasida yangi zamonaviy qurilish ishlari boshlangan.  Tarixiy hududda yangi qurilish ishlarini olib borish qanchalik to‘g‘ri? Yuneskodan ruhsat olinganmi? Agar ruhsat bo‘lsa, Yangi ob'ekt Tarixiy makonning husnini buzmaydimi? Axir bino balandligi Ichan-qal'a devorlaridan balandroq bo‘lishi mumkin-ku. Tarixiy muhitga zarar keltirilsa, Yunesko bu joyni o‘zining ro‘yhatidan chiqarib yuborishi hech gap emas. Mas'ullardan bu masalada aniqroq ma'lumot berilishini so‘rab qolamiz».

Keyingi maktub, gaz idorasi xodimlariga va'da qilingan xayitlik pullarining berilmaganiga oid.

“Hududgazta'minot” AJ tarkibidagi filial bo‘limlarida ishlaymiz. 19 aprel kuni Ramazon hayiti munosabati bilan xodimlarni mehnat haq to‘lash miqdorining yarmi hajmida mukofotlash bo‘yicha buyruq chiqqan edi. Mana, aprel oyi xam tugayapti, ammo bayram puli berilmadi, oylikdan darak ham yo‘q. “Hududgazta'minot” AJ moddiy rag‘bat masalasini hal qilib berishini so‘raymiz.

Keyingi maktubni Rossiyada mehnat qilayotgan o‘zbek migranti yo‘llamoqda. U yerda ahvol jiddiy, iqomat huquqi evaziga urushga borish taklif qilinmoqda. Bormaganlarga esa o‘ylab ko‘rish uchun muddat belgilanayapti.

«Moskvadagi Saxarov migratsiya markazida armiyaga borishga targ‘ib qilishyapti. Rossiya armiyasida xizmat qilish evaziga fuqarolik va pul taklif qilinyapti. Avval armiyaga bormaganlarga o‘ylab ko‘rish uchun muddat berilyapti…»

Ha, o‘ylab ko‘ring, birinchidan O‘zbekiston qonunlariga ko‘ra begona davlatning armiyasi safida jang qilish jinoyatdir. Ikkinchidan bu urush Rossiya g‘alabasi bilan tugamaydi. So‘nggi ma'lumotlarga ko‘ra rus armiyasining salkam 20 mingga yaqin askari o‘ldirilgan va asir olingan.

Va so‘nggi maktub Qashqadaryoning Kitob tumanidan. Shikoyatgo‘y Tupchoq mahallasiga suyultirilgan gaz to‘liq yetkazib berilmaganidan shikoyat qilmoqda.

«Qashqadaryo viloyati Kitob tumani Tupchoq MFY aholisiga suyultirilgan gaz to‘liq yetkazib berilmadi, oqibatda gaz shoxobchada 300-350 ta ballon boʻsh holda yotibdi. Aholi gazsiz qiynalmasin, amaliy ko‘mak berilsa bo‘lar edi…»

Bu sizga bugun o‘qib eshittirganimiz beshta shikoyatning so‘nggisi edi. Ko‘rsatuvimizga kelayotgan izoxlarda ko‘pincha biz bilan qanday bog‘lanish. Qanday qilib bizga murojaat qilish mumkinligi to‘g‘risida so‘rashadi. Bilmaganlar uchun yana bir bor eslatamiz. eltuz portali interaktiv tarzda telegram kanalida alohida sahifa shaklida ochilgan. Murojaatlar uchun u yerga maxsus bot ham o‘rnatilgan. Eltuz kelayotgan shikoyatlar, videomurojaatlar, takliflar va ularga yozilgan javoblarni ham e'tiboringizga taqdim etishga intiladi. Kun davomida biz bilan qoling. Kanallarimizga obuna bo‘ling.  

Tag‘in o‘qing
29 dekabr 2020
Antik tarixiy manbalarda buyuk sarkarda Aleksandr Makedonskiy eramizdan oldingi 329-326 yillarda barpo ettirgani aytiladigan Kampirtepa yodgorligi janubi-g‘arbiy devorining o‘rta ...
23 mart 2020
Koronavirus chiqqani ortidan tualet qog‘ozi talamon bo‘ldi. Rassom Kirpidan pandemiya mavzuiga oid yangi karikatura. Eltuz.com
23 fevral 2022
Bilgichlarning aytishicha, Igor Shepelning Shveytsariyadagi bankda 2 million 817 ming shveytsariya frankiga ega bo‘lgani ko‘plab o‘zbek chekistlarini shokka tushirgan. ...
11 oktyabr 2018
Moskvaning Tver tumani sudi 24 oktyabrda Islom Karimovning birinchi xotinidan bo‘lgan o‘g‘li 52 yashar Pyotr Karimovning «O‘zbekiston havo yo‘llari» ...
Bloglar
21 aprel 2024
Kartinani kecha uyimga olib keldim. Bir kecha termilib yotmoqchi edim. Lekin imkon bo‘lmadi. Doimgidek hayot ...
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...