Asosiy mavzular
31 may 2023

Baxti Tashkentskiy Murod Bildingni ogohlantirdi: Sakramay, jim yur!

29 may kuni Toshkentdagi Grand Mir mehmonxonasida O‘zbekiston “jinoyat olami” vakillarining “sxodka”si bo‘lib o‘tdi.

O‘zbekistondagi yagona “vor v zakone” Baxtiyor Qudratullaev (Baxti Tashkentskiy) tashabbusi bilan o‘tkazilgan bu “sxodka” soat ertalabki 2 dan 4 gacha davom etdi va unda O‘zbekistonning turli mintaqalaridan kelgan 100 ga yaqin “jinoyat olami” vakillari ishtirok etdi.  

Eltuzning Ichki ishlar vazirligidagi manbasiga ko‘ra, 60 nafarga yaqin “avtoritet” mehmonxona ichkarisiga kirgan bo‘lsa, 40 ga yaqin sportchi mehmonxona atrofini o‘rab turishdi.

Mehmonxona xolida Baxti Tashkentskiy raislik qilgan “sxodka” mehmonxona kuzatuv kameralariga yozib olingan.

“Cxodka”da Andijondan Husan “Epchil”, Marg‘ilondan Mansur Margilanskiy, Yangibozordan  Shukur Yangibazarskiylar ham qatnashgan, unga onlayn tarzda Turkiyadan Ravshan Zolotoy ham qo‘shilgan.

Ikki soat davom etgan “sxodka” so‘ngida “jinoyat olami”ga Baxti Tashkentskiy “progon”i (jinoyat olami vakillari uchun ochiq topshiriq) tarqalgan.

Progonda 51 yashar Baxti Tashkentskiy “o‘g‘rilar uchun muqaddas hisoblangan ilk qonun” – siyosatga aralashmaslik ekanini aytgan va jinoyat olami vakillaridan ushbu qonunga rioya etishni talab qilgan. U  organ xodimlari bilan hamkorlik qilayotgan “blatnoylarni”ni aniqlab, jazolashi haqida ogohlantirgan. 

“Bizning qonunlarimizda nomer odin – ne lezt v politiku –  siyosatga aralashmasli, politika  – eto gryaz!” – deb aytgan Baxti Tashkentskiy.

Baxti Tashkentskiy jinoyat olamiga aloqasi bo‘lmagan biznesmenlarni, agar ular “jinoyat olami qonunlari” bilan ish tutishga urinsa oqibatlari yaxshi bo‘lmasligidan ogohlantirgan.

Baxti Tashkentskiy “ko‘cha”da Murod Bilding (Murod Nazarov) Baxtidan ruxsatsiz o‘zidan “ko‘chinskiy” yasab olgan sportsmenlarga murojaat qilgani, internetda Baxti Tashkentskiyning nomini “obizlichit” qilishga uringani, va yana biznesmenlar orasida Murod Bildingning partiya ochish maqsadi borasida gap so‘zlar yurganiga to‘xtalgan.

Baxti Tashkentskiy jumladan shunday degan: “Man Bilding bilan shaxsan tanishmasman, nima deb interda mutit qilvotti?! Sakramay, jim yursin! Unga va boshqa chala sportsmenlar va boshqa sistema ko‘rgan biznesmenlarga aytib qo‘ylaring, mazasini qochiraman, shaxsan o‘zim so‘rab olaman”.

U bu topshiriqni bajarishni Shukur Yangibazarskiy zimmasiga yuklagan.

“Sxodka”da Turkiyadan onlayn qatnashgan Ravshan Zolotoy Baxti Tashkentskiy “progoni”ga ikki kun ichida Turkiya, Rossiya va boshqa davlatdagi o‘zbek avtoretetlari bilan maslahatlashib javob berishini aytgan. 

Ma'lumot o‘rnida: Toshkentlik «vor v zakone» 51 yashar Baxtiyor Qudratullaev  Baxti Tashkentskiy 26 yoshida “vor v zakone” tojini kiygan O‘zbekistondagi yagona kriminal avtoritet hisoblanadi.

40 yashar Murod Nazarov O‘zbekistondagi eng yirik qurilish shirkatlaridan biri – “Murad Building” asoschisi va rahbaridir. 

Aziz Eltuz obunachilari va kanalimiz mehmonlari, eslatib o‘tamiz, O‘zbekiston kriminal olami g‘oyalari va iddaolari ayni paytda Eltuz nuqtai nazarini aslo ifodalamaydi. Yuqorida bildirilgan fikrlar yuzasidan siz ham izoh qoldirishingiz mumkin. Kanalimizga obuna bo‘ling Layk sizdan –  xizmat bizdan!

Tag‘in o‘qing
3 iyun 2019
Andijonda 25 may kuni e'lon qilingan shanbalik 29 may kuni ham davom etdi. Marhamat tumani elektr tarmoqlari korxonasi ishchisining ...
16 iyun 2020
1947 yilda chop etilgan ilk “O‘zbekiston xalqlari tarixi” II jildining mundarijasidan bir parcha. Bundan nima xulosa qilishimiz mumkin? – ...
10 oktyabr 2019
Bugun respublikada matbuot xizmatlariga e'tibor qaratilmoqda, urra, urra bilan prezident qarori asosida barcha shahar, tuman tashkilotlarida, hokimliklarida yangidan axborot ...
6 mart 2018
Chorak asrdan buyon paxtachilik va sanoatning u bilan bog‘liq tarmoqlari rivojlanmaydi. Chunki paxtaning asosiy qismi kimlarningdir orqasiga qo‘yishga ishlatilib ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...