Bella Mafiya – Gulnora Karimova xalqaro jinoiy guruh onaboshisi bo‘lgan

Shveytsariya prokuraturasi O‘zbekiston sobiq prezidentining qizi Gulnora Karimovani yuzlab million dollar pora yuvish bilan shug‘ullangan xalqaro jinoiy guruhni boshqarishda aybladi.

Rasmiylar 2005-2013-yillarni o‘z ichiga olgan tergov davomida 780 million Shveytsariya franki (857 million dollar) qiymatidagi aktivlarni musodara qilgan.

Karimova 2014-yildan beri O‘zbekistonda qamoqda o‘tiribdi. U O‘zbekistonda davlat mablag‘larini o‘zlashtirishda aybdor deb topilgan.

Lekin Gulnora Karimova telekommunikatsiya shartnomalari bilan bog‘liq poraxo‘rlik ayblovlarini rad etib keladi.

Gulnora Karimova otasi prezidentligi paytida mislsiz qudrat va nufuzga ega edi.

Shveytsariya ayblovi Rossiya telekom shirkatining O‘zbekistondagi filialini boshqargan ismi oshkor etilmagan tadbirkorga ham qaratilgan.

Shveytsariyada Gulnora Karimova O‘zbekiston telekommunikatsiya sohasiga kirish evaziga pora olganlikda hamda Shveytsariyadagi bank hisoblari va boshqa mamlakatlarda pul yuvishda ayblanmoqda.

Eltuz Gulnora Karimova nomi atrofidagi korruptsiya va pul yuvish jinoyatlarini o‘rganishda davom etadi. Kanalimizga obuna bo‘lishni videolarimizga layk bosishni unutmang.