Asosiy mavzular
24 noyabr 2023

Saxiy Salimboy G‘opirning uyiga Azroilni ham yuborishga tayyor

Toshkentda o‘tgan hafta bo‘lib o‘tgan professional boks kechasi tadbirkor-mafiozi G‘ofir Rahimovga xalq nazaridan chetda qolmaganini ko‘rsatish uchun yaxshina bir fursat edi.

G‘ofir Rahimov qolgan bor kuchi, iqtidori va tanish-bilishlarini ishga solib, jahon boksi yulduzlari – Mayk Tayson, Evander Xollifildni Toshkentga olib keldi.

Ularga osh damladi, faxriy kamarlarni taqdi. Ular qatori yana o‘nlab o‘tmishdagi va hozirgi bokschilarga zarchoponlar ulashdi.

Boks kechasida ham VIP-mehmonlar to‘rida o‘tirdi G‘ofirboy.

Yaxshigina piar qildi o‘zini o‘zi.

Ammo, boks kechasi so‘ngi kunlarda Toshkentda tarqalgan mish-mishlar soyasida qoldi va unutildi ham.

Eltuzga bir necha mustaqil manbadan yetib kelgan gaplarga qaraganda, G‘ofir Rahimov xorijiy mehmonlarni olib yurgan yigitlarni qattiq ogohlantirgan: mehmonlarni boshqa bir boy – Salim Abduvalievning Toshkentning Oq Uy guzaridagi uyiga olib borganlar qattiq jazolanadi. U hatto mehmonlarni ham Salimboy uyiga bormaslik haqida ogohlantirgan: Uning uyiga borsangiz, sizga va'da qilganim pul berilmaydi, vassalom!

Toshkent katta bo‘lishi mumkin, lekin bunaqa gap tez tarqaladi. Ayniqsa tadbirkorlar ichida gap turmaydi. Xullas, G‘ofirboyning gapi Salimboyning qulog‘igacha yetib borgan.

Saxiyligi bilan nom chiqargan Salimboy G‘ofirboyning “progoni”ga o‘ziga xos uslubda javob qaytaribdi (Eltuzga bu gapni o‘z qulog‘i bilan eshitgan biznemenlar aytdi):

– Man G‘opirboydek ziqna, baxil odam emasman. Agar mani oldimga o‘lim farishtasi – Azroil keladigan bolsa ham, man hech ikkilanmay, avval G‘opirboynikida mehmon bo‘lishiga qarshilik qilmas edim.

Eslatib o‘tamiz, o‘tgan yili 25 yanvarda Toshkentning qoq markazida joylashgan “Ogni Tashkenta” restoranida o‘zbek mafiyasining eng ko‘zga ko‘ringan ikki keksa vakili – Salim Abduvaliev va  G‘ofur Rahimov o‘rtasida xufiya uchrashuv bo‘lib o‘tgan edi. Bir necha soat davom etgan ma'raka – “yarash oshi” so‘ngida ikki mafiaboshi o‘rtasidagi kin va adovatga nuqta qo‘yilgan.

“Uchrashuvga judayam mashhur odamlar kelishdi. Svet umuman bo‘lmagani uchun oshni restoran orqasidagi hovlichada Toshkentning eng zo‘r oshpazi pishirdi. Yarash oshi ko‘pchilik nazaridan panada, juda to‘kin dasturxon atrofida o‘tdi,” – degan edi Eltuz manbasi.

Bu uchrashuvni ikkovlonning eski qadrdoni, O‘zbekiston Kasaba uyushmalari federatsiyasi prezidenti Qudratullo Rafiqov tashkillashtirgan edi. 

G‘ofur Rahimov va Salim Abduvalievlar o‘rtasidagi adovat 2009 yilga borib taqaladi.

Hodisadan xabardor shaxsning hikoya qilishicha, o‘sha davr “jinoyat olami”ning eng qudratli bosslaridan bo‘lgan G‘ofur Rahimov va Salim Abduvalievlar o‘rtasida ziddiyatning kelib chiqishiga Yangiyo‘ldagi yog‘-moy kombinati uchun bo‘lgan tortishuv sabab bo‘lgan edi.

Toshkentda tarqalgan so‘ngi gaplar O‘zbekistondagi eng iski va atoqli mafiozalar o‘rtasidagi kina va adovat haliyam bitmaganini ko‘rsatadi.

Eltuz O‘zbekistondagi o‘g‘rilar olami, jinoiy guruhlarga yaqin shaxslar va kriminal avtoritetlar faoliyatiga oid voqea va xodisalarni yoritishda davom etadi. Kanalimizga obuna bo‘lishni videolarimizga layk bosishni unutmang.

Tag‘in o‘qing
29 aprel 2021
(Shoir va siyosatchi Muhammad Solihning “Imperativ” kitobining davomi. Matnning audioversiyasini muallifning o‘zi o‘qigan. Boshi “Eltuz”ning “Imperativ” ruknida. Davomi bor.) ...
18 sentyabr 2017
Shavkat Mirziyoev Nyu-Yorkdagi BMT Bosh Assambleyasining 72-sessiyasi doirasida 19-25 sentyabrda o‘tadigan oliy siyosiy muzokaralarida ma'ruza qilishi kutilmoqda. Bu uning ...
24 iyul 2018
Sovet hukumati sinfiylik jamiyatini yo‘qotish, hammaning tengligi yo‘lida 70 yil siyosat yuritdi. Islom Karimov esa “Bizda o‘ta boylar ham, ...
29 yanvar 2024
Xatirchida klasterchi 10 nafar ruda qazuvchi tushgan tashlandiq kon to‘lasini ko‘mib tashladi Yeltuzga yetib kelgan videolarda shu yilning 8 yanvarida sodir ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...