Asosiy mavzular
1 dekabr 2023

Baxti Tashkentskiy qamoq jazosiga hukm qilinishi mumkin

O‘zbekistonda yagona “vor v zakone” Baxti Tashkentskiy laqabli Baxtiyor Qudratillaevga qamoq jazosi tayinlanishi mumkin.

Eltuzning jinoyat olamidagi manbalariga ko‘ra, Baxti Tashkentskiy kecha yaqinlaridan biriga aloqaga chiqib, “Bir ikki yil “uyda” bo‘laman. Zonalarni tartibga solishga to‘g‘ri kelyapti” deb aytgan. 

O‘g‘rilar tilida “Uy” – “Dom”deganda jazoni o‘tash koloniyalari nazarda tutiladi.    

Ayni paytda 52 yashar Baxti Tashkentskiy Toshkent shahar Ichki ishlar boshqarmasi idorasi yerto‘lasida saqlanmoqda.

Baxti Tashkentskiy 29 noyabr kuni kechki payt Grand Mir mehmonxonasi orqasida joylashgan domdagi kvartirasidan olib ketilgan edi.

Undan avvalroq jinoyat olamining boshqa ko‘zga ko‘ringan vakillari, jumladan “Saidaziz medgorodok” laqabli kriminal avtoritet Saidaziz Saidaliev, “Zavxoz” laqabli jinoiy avtoritet Bahodir Sultonov, Toshkentning eski shahar qismidan bo‘lgan “Ziki eski shahar” laqabli kriminal avtoritetlar hibsga olingan.

Huquq tartibot idoralaridagi Eltuz manbalarining aytishlaricha, oxirgi kunlarda O‘zbekiston bo‘ylab «prestupnыy mir» vakillariga qarshi misli ko‘rilmagan amaliyot davom etmoqda.

Birgina poytaxt Toshkentda hozirning o‘zida “avtoritetlar” va ularning izdoshlari doxil bir necha yuz kishi hibga olingan va ichki ishlar idoralarida so‘roq qilinmoqda.  

To‘plangan ma'lumotlar qama-qamalar ko‘lamining Eltuz dastlab tasvirlaganidan ham kattaroqligini ko‘rsatadi. 

Ikki kun muqaddam jinoyat olamining yana boshqa yirik vakillari – “Kontorskiy” laqabli Abbos Xodjaev, “Snobs” laqabli Jahongir Badalov, va Shukur Yangibazarskiylar ichki ishlar idoralariga olib ketilgan. 

Ichki ishlardagi Eltuz manbasiga ko‘ra, yuzlab odamni tergov qilish uchun O‘zbekistonning turli mintaqalaridan ellikka yaqin tergovchilar kelgan. 

Tergovlar asosan Toshkent shahar IIBB binosida olib borilmoqda. 

“50-60 odamni GUVD hovlisiga olib chiqib, tiz cho‘ktirib qo‘yib, serquyosh (ya'ni O‘zbekiston gimni) ni ayttirishyapti. GUVDning 3-4 etajlarida so‘roq qilinyapti va o‘sha etajdan baqirib serquyosh aytilayotgan ovozlar tashqariga eshitilib turibti,” dedi Eltuzning vaziyatdan ogoh manbasi. 

Eltuzning ichki ishlardagi manbalariga ko‘ra, butun O‘zbekiston bo‘ylab jinoyat olami vakillarining ommaviy ravishda hibsga olinganiga 26 noyabrda olti nafar Milliy Gvardiyachilarning pichoqlangani sabab bo‘lgan.

O‘sha kuni Tashkentda olomon qozog‘istonlik reper Jah Khalibaning Humo Arenasida bo‘lib o‘tgan kontsertiga kira olmagan va orada katta izdihom paydo bo‘lgan edi.

Huquq tartibot organlari vaziyatni nazoratga olishga urinishar ekan, noma'lum shaxslar ulardan olti nafarini pichoqlab ketganlar.

Milliy Gvardiyachilar turli darajada tan jarohati olganlar.

Ichki ishlardagi Eltuz manbalari bergan bu xabarni mustaqil manbalar orqali tasdiqlatib olishning imkoni yo‘q.

Pichoqvozlarning jinoyat olami vakillariga aloqadorligi aytilgan, ammo ularning birortasi ham hozirgacha hisbga olinmagan.

Eltuz manbalarining taxmin qilishlaricha, oxirgi yillarda kuzatilmagan keng ko‘lamli bunday amaliyotni o‘tkazishga O‘zbekiston oliy rahbariyati tomonidan buyruq berilgan bo‘lishi mumkin.

Eltuz voqealar rivojini kuzatishda davom etadi. Kanalimizga obuna bo‘lishni, videolarimizga layk bosishni unutmang.

Tag‘in o‘qing
4 dekabr 2018
Qoraqalpog‘istonning To‘rtko‘l tumanidagi sil kasalliklariga moyil bolalar maktab-internati tarbiyachisi Zulfiya Mavlonova internat direktori Nurilla Ro‘zimovning tarbiyalanuvchilarga nisbatan noinsoniy munosabatda ...
12 oktyabr 2018
Jenevaning Lombard Odier banki seyflaridan topilgan va Gulnora Karimovaga tegishli ekani aytilayotgan qimmatbaho zargarlik buyumlarining qiymati 38 million frankka ...
5 noyabr 2019
«– Eee, Fozilbek, uzr, umuman tanimabman-a, – dedim va yelkasiga qoqib qo‘ydim. Shu payt Fozil birdaniga ingrab yubordi. – Nima bo‘ldi, Fozilbek? Yara bormidi yelkangizda?  ...
6 oktyabr 2016
So‘nggi olingan xabarga ko‘ra bir necha soat burun o‘zbek mirshablari ikki nafar frantsuzni qo‘yib yuborishgan. Keyin huquq himoyachisi Yelena ...
Bloglar
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...
11 yanvar 2024
Qirg‘iziston parlamenti kecha, ya'ni 10 yanvarda ko‘pchilik ovoz bilan deputat Emil Jamg‘irchievni jinoiy javobgarlikka tortishga ...