Turkiyada o‘zbek ayollarini fohishalikka majburlagan guruh a'zolari ushlandi

Turkiyaning Koniya shahrida xorijlik ayollarni suratga olib, katalog yaratib fohishalikka majburlagan, kechasi 5-6 ming lira evaziga xaridor topayotgan tarmoqqa qarshi “Piyoda” nomli amaliyot o‘tkazilgan. 

3 oylik kuzatuvdan so‘ng o‘tkazilgan amaliyotda 5 kishi qo‘lga olingan va 3 kishi yashash joyini tark etmaslik sharti bilan ozod qilingan. 

Jinoiy to‘da qurbonlari bo‘lgan 24 nafar, asosan o‘zbekistonlik ayollar deportatsiya qilindi.

Shubhali shaxslarning ayollarni suratga olgani, katalog yaratgani,  internet sahifalarida chop etgani, kechasiga 5-6 ming liralik xaridor topgani va tanlangan ayollarni taksi bilan uchrashuv joyiga jo‘natgani aniqlangan.

Gumonlanuvchilar uyida tintuv o‘tkazilganida 1 dona ov miltig‘i, 50 dona narkotik tabletka, 25 ming 660 dollar, 95 ming 205 lira, 70 ming o‘zbek so‘mi hamda tilla sirg‘a va bilaguzuklar topilgan. Eltuz O‘zbekiston hamda o‘zbeklar bilan bog‘liq odam savdosi va boshqa jinoyatlarga oid voqealarni yoritishda davom etadi. Kanalimizga obuna bo‘ling. Videolarimizga layk bosing. Agar ayrim yopiq videolarni ko‘rishni yoki shunchaki kanalimizni qo‘llab quvvatlashni istasangiz, super rahmat knopkasini bosing. Sog‘ bo‘ling.