Машинаси бузилган ҳайдовчига милиция ёрдамга келди

Шу йилнинг 18 апрелида фейсбук саҳифасида оқ дўппи кийган ҳайдовчининг машинаси капотини очиб кўраётган милиция формасидаги йигит фотосуратлари пайдо бўлди.

Фотосуратни Maslahat.Uz гуруҳига қўйган фейсбук юзери Мурод Ҳаитметовнинг ёзишича, 16 апрель куни Чилонзорнинг 16-квартали томондан ўта туриб, олди капоти очилган оқ «Ласетти» машинасининг олдида бир отахон ва ППХ ходими турганига кўзим тушган.

«Қизиқиб тўхтадим ва: “Отахон, ассалому алайкум. Тинчликми? Одатда милиция ходимлари ҳужжатларни текширар эди, бу ерда эса машинани ичини текширяпти”, деб ҳазиллашдим. Шунда отахон: “Умридан барака топсин бу бола. Машинам тўхтаб қолганди, бир пастда тузатиб берди. Қўли гул экан-ку бунинг”, деб бояги ходимни мақтай бошлади, дея ёзади Ҳаитметов.

Унинг билдиришича, ППХ ходимининг исми Рўзивой экан.

Eltuz.com