Маҳмуд Йўлдошев шеърий аудио китобини тармоққа қўйди (видео)

Ўзбекистонлик адиб ва руҳшунос олим, бир қанча ҳикоялар ва шеърлар муаллифи Маҳмуд Йўлдошев 2-июл куни ўзининг аудиокитобини чоп этди.

«Сидранинг тўрт меваси» деб номланган бу китобга шоирнинг тўртликлари киритилган. Бу тўплам оддий китоб ҳолида 2015 йили нашр этилган, бироқ аудио китоб шаклида ижтимоий тармоқларда пайдо бўлгач, мухлислар унинг шеърларни янги мазмунда кашф этишмоқда.

Йўлдошев бугунги ўзбек ёшлари учун замонавий шаклдаги электрон китоблар, аудио китоблар чоп қилиниши лозим деган фикрда.

У шунингдек, Ўзбекистонда аудио китоб чоп қилиш билан боғлиқ муаммолар борлигини ҳам айтади.

«Кўпчилик китоб дўконларида СD шаклидаги аудио китобларни таклиф қилишади, бу ҳам кам ҳолларда, аммо мен аудио китобларнинг флешка ва интернетдаги замонавий вариантларини кўпроқ ривожлантириш керак деб ўйлайман»

Хозирча Махмуд Йўлдошевнинг аудио шеърлар тўплами фақат унинг фейсбук ва однокласники тармоғи орқали, текин тарқалмоқда.

Аудио китобни ҳозирча бу ерда тинглаш ва кўчириб олиш мумкин.

Eltuz.com