Асосий мавзулар
5 июл 2019

«Темур эли қул, Ёраб…»

Юсуф Жума 1958 йилда Бухоро вилоятининг Қоракўл туманида таваллуд топган. Бухоро педагогика институтини тамомлаган. Биринчи шеърий тўплами «Ҳақиқатнинг олтин олмаси» 1984 йилда чоп этилган. «Бирлик» халқ ҳаракати фаолларидан бўлган. 2001 йилда «аксилҳукумат мазмунидаги» деб кўрилган шеърлари учун давлат тузумига тажовуз қилишда айбланиб, уч йил шартли жазога маҳкум этилган.

Элтуз – «Озодлик оҳанглари» аудио тўпламига кирган шеърларни тақдим этишда давом этади. 2007 йили Сорос жамғармаси томонидан Лондонда чоп этилган бу китобга ўз юртида аксар тақиқланган турфа шоирларнинг ижтимоий шеърлари ўрин олган.

Элнинг асл эрлари Андижонда отилди,
Дукчи эшон пирлари Андижонда отилди.
Наманганда отилди, отилди Фарғонада,
Энг охирги шерлари Андижонда отилди.

Омондир сўқирлари, омондир қашқирлари,
Шарифжон Шокирлари Андижонда отилди.
Ўлдирилди бўлажак Бобораҳим Машраблар,
Йўлбарсдек Бобурлари Андижонда отилди.

Дилда золим тирлари, ҳақ йўлин собирлари,
Нурга тўлсин гўрлари, Андижонда отилди.
Иймонга содиқ кетди, кўзлари очик, кетди,
Эрсиз қолди ерлари, Андижонда отилди.

Юсуфнинг юрагида эрларга отилган ўқ,
Элнинг асл эрлари Андижонда отилди.

Юсуф Жума
«Озодлик оҳанглари» Eltuz.com

Тағин ўқинг
28 март 2019
1797 йили АҚШда дунëдаги илк кир ювадиган машинага патент олинди. Шу тариқа бундан 219 йил аввал инсоният, хусусан, аëлларнинг ...
6 апрел 2018
Президент Шавкат Мирзиёевнинг молия тизими ва тендер «ўйинлар»ини танқид қилгани ортидан Ўзбекистонда очиқ тендер савдолари бекор қилинди ва давлат ...
8 октябр 2018
Ўзбекистон президентининг матбуот котиби ва унинг маъмурияти раҳбари ўринбосари Комил Алламжоновнинг кутилмаганда лавозимидан озод қилиниши ортидан бу шахс тўғрисида ...
31 март 2018
Олий Мажлис Сенати 29 март куни «Ўзбекистон Республикаси Давлат хавфсизлик хизмати (ДХХ) тўғрисида»ги қонунни тасдиқлади. Мазкур қонунга кўра, ДХХга ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...