Асосий мавзулар
9 август 2017

“Бир буюк қатлгоҳ эди бу майдон…”

Паҳлавон Содиқ 1973 йилда Наманган вилоятининг Чортоқ шаҳрида туғилган. Тошкент ва Туркияда журналистикадан таҳсил олган. “Руҳият насими” (1994) шеърий китоби муаллифи. Би Би Си радиосида хизмат қилади.

“Ахшомгача уруш эди… ”
Захириддин Муҳаммад Бобур, “Бобурнома”

Бир буюк қатлгоҳ эди бу майдон,
Қатл оний эди, Ўлим ҳақ, эди!
Гарчи ноҳақ эмас эди оломон…

Тўрт томон ёғийдир, тўрт тараф қамал,
Қаердан келди бу қарғалган черик?
Кимнинг амалидир бу чиркин амал?!

Бу кимнинг қўллари? Бу кимнинг лоши?
Кимнинг кўзлари бу кўксимга ботган?
Хали туғилмаган гўдакнинг боши,
Сени ким ўлдирган? Сени ким отган?

Сен кимнинг гаровга олган жонисан?
Қайси жаннатларда сенинг маконинг?
Наҳотки Бобурнинг Андижонисан?..

Бу исён қулларнинг қазоси каби…
Маҳв этилган қанча жонлар, иймонлар
Худди мўғулларнинг қасоси каби!..


Сени ким чорлади бу мотамгоҳга?
Ўлимни бўйнингга олиб келдингми?..
Ҳақ деб ўйладингми? Ҳақ деб кулдингми?

“Кулган бошқалардир, йиғлаган менман ”
* Дорнинг огочини тикканлар бошқа,
Дорнинг оғочида инграган менман.

(* Абдулхамид Сулаймон Чўлпон)


“Тонгласиға амон тилаб чиқтилар… ”
Заҳириддин Мухаммад Бобур, “Бобурнома”

Ёмғир тинди. Ўқ ёмғири тинмади.
Ажал қувлаб, ёмон тилаб чиқдилар.
Кўкдан раҳмат инди, Ердан инмади
Тонгласиға омон тилаб чиқдилар.

Яёв. Ёвуқ. Изгириндай изиллаб
Ўлим йўл бошлаган. Ўлим – йўлчидир.
Бу бир халқдир. Битта ўққа тизилган!..

Не навъ еткай нокасларга салтанат?! *
Қачон сендан омон чиққан алъамон?!
Эй Дажжол насаби, насли – Шайтанат!..

(* “Салтанат андоғ нокас, беҳунарларға не навъ етгай!”- “Бобурнома”)

Паҳлавон Содиқ
“Озодлик оҳанглари”

Тағин ўқинг
18 феврал 2019
Жиззахнинг Ғаллаорол туманида яшовчи 30 яшар Акмал Аблокимов Самарқанд вилояти Иштихон туманида ички ишлар ходимлари томонидан таҳқирлангани ва калтаклангани ...
26 апрел 2018
26 апрель куни фейсбукда пайдо бўлган фотосуратда Ўзбекистон Мудофаа вазирлиги артистларининг рус ҳарбийлари кийимида уруш қўшиқларини куйлаб, Тошкент метросига ...
21 май 2018
Андижон вилоятининг Улуғнор туманидаги йиғилишда 19 май куни сўзлаган нутқида, kun.uz нашрининг иқтибос келтириб билдиришича, президент Мирзиёев Ўзбекистон учун ...
6 август 2019
Президент Мирзиёев қарори билан 3 август куни Ўзбекистондаги машъум Жаслиқ қамоқхонаси ёпилди. Айни қарорда қамоқхона бинолари ва мулклари Қорақалпоғистон ...
Блоглар
7 август 2020
Қишга тайёргарлик. Помидор ва қалампирни ўзим етиштириб, қуритиб, ипга ўтказиб деворга илдим. Кўўп бонкаям беркитганмиз. ...
5 август 2020
Мирзиёев бошқарувида ташқи сиёсатда, бир томондан, Россия ва унинг геосиёсати билан боғлиқ муносабатлардаги миллий манфаатлар ...
4 август 2020
Ўзбекистонда турли матнларда, контекстларда, ҳатто расмий ҳужжатларда кўп ишлатиладиган “буюк аждод” тушунчасидан воз кечиш керак, ...