Асосий мавзулар
13 ноябр 2018

Ҳуқуқ фаоли Эшонқулова паспортсиз ва пропискасиз қолдирилди

Тошкент пропискасидан маҳрум қилинган таниқли ҳуқуқ фаоли ва журналист Малоҳат Эшонқулова 10 ноябрь куни Самарқандга пропискага қўйилмади.

Эшонқулованинг «Элтуз» мухбирига билдиришича, унинг паспортини Самарқанд тумани ИИБ паспорт бўлими бошлиғи Шоҳруҳ Ҳожиметов олиб қолган.

Паспорти олиб қолингани ҳақида эса бўлим бошлиғи ҳуқуқ фаолига ҳеч қандай ҳужжат бермаган.

Ҳожиметов ҳуқуқ фаолининг Самарқандга прописка қилиш масаласи бошқа вилоятдан келган шахс сифатида комиссия томонидан бир ой давомида кўриб чиқилишини билдирган.

Бундан аввал Эшонқуловага Тошкентдаги пропискасидан маҳрум этилгани маълум қилинган ва у 8 ноябрь куни паспортига ҳозир рўйхатда турган жойидан рўйхатдан ўчирилгани тўғрисидаги муҳрни қўйдиришга мажбур бўлган эди.

Эшонқуловага 2018 йилнинг 9 ноябрида берилган Тошкент пропискасидан чиқариш тўғрисидаги  ҳужжатда аввалига 2016 йил санаси кўрсатилган, унинг эътирозидан кейин у ручка билан «2017» қилиб ўзгартирилган, кейин эса умуман янгисига алмаштирилган

Эшонқулованинг «Элтуз»га билдиришича, унинг Тошкентдаги пропискасини бекор қилиш ҳақидаги суд қарори, ундаги ҳужжатларга кўра, бир йил бурун, Тошкент ИИБ миграция идораси ходимига кўра эса 2016 йили чиқарилган.

Малоҳат Эшонқулова касбий фаолияти боис бундай босимлар унга қарши шахсан бош вазир Абдулла Арипов томонидан беш-олти йил бурун бошланган можароларнинг давоми эканлигини билдирмоқда.

Эшонқулова ўзи туғилиб ўсган Самарқанд вилоятидан 30 йил бурун чиқиб кетган ва МТРКнинг «Ёшлар» каналида мамлакатнинг жиддий муаммоларини кўтариб чиққан ва Тошкент шаҳрида фаолият юритган таниқли журналист ҳамдир.

Eltuz.com

Тағин ўқинг
21 январ 2019
Facebook ширкати 17 январь куни Кремл лойиҳаси бўлган «Спутник» нашри ташвиқотига хизмат қилган тармоқдаги юзлаб саҳифалар ва аккаунтларни ўчирди. ...
20 июн 2018
Халқ таълими вазирлиги сайтида энг кўп ўқилган мақола Ўзбекистонда умумий ўрта таълим мактабларида ўқувчиларнинг ягона формаси жорий этилиши ҳақидадир. ...
11 октябр 2016
«Ўзбекистонда чиқиш визасини бекор қилишга даъват» дея номланиб, ўзбек, рус ва инглиз тилларида Сhange.org ижтимоий тармоғида эълон қилинган петиция, ...
18 сентябр 2017
Хоразм вилоятида оммавий пахта терими 10 сентябрдан бошлаб юборилган. Вилоятдаги “Нажот” Инсон ҳуқуқлари ташкилоти тарқатган хабарга кўра, пахта теримига ...
Блоглар
12 феврал 2019
Алишер Навоийнинг навбатдаги юбилейини эсон-омон ўтказиб олдик. У аллақачон ўзбек миллатининг, ўзбек тарихи ва маданиятининг ...
10 феврал 2019
Ўзбек жамиятидаги муҳофазакор қатламнинг турк сериалларига қарши «жиҳоди»нинг ажабланадиган жойи йўқ. Аслида бу масаланинг илдизи ...
5 феврал 2019
Бир вақтлар қадимий Рим салтанатининг тарғибот-ташвиқотчилари сифатида воизлар ва файласуфлар империянинг равнақ топишида катта ҳисса ...