Асосий мавзулар
15 сентябр 2020

Гулноранинг пуллари Ўзбекистонга қайтмоқда

Швейцария ва Ўзбекистон марҳум президентининг қизи Гулнора Каримованинг мусодара қилинган активларни расмий Тошкентга қайтариш тўғрисида битим имзолади.

Хабарларда айтилишича, битим, бир томондан, Гулнора Каримовага қарши қўзғатилган жиноят ишлардан бирида аллақачон мусодара қилинган тахминан 131 миллион АҚШ доллари миқдоридаги активларга тегишли.

Бошқа томондан, у ҳали ҳам давом этаётган жиноят иши бўйича келажакда шубҳасиз мусодара қилиниши мумкин бўлган бошқа активларга ҳам тааллуқли.

Битим реституция тамойиллари ва босқичларини белгилаб беради. Активлар Ўзбекистон халқи манфаатлари учун ишлатилади.

Халқаро ҳуқуқ дирекцияси раҳбари, элчи Корин Сисерон Бюлер Федерал кенгаш томонидан тасдиқланган қонуний мажбурий бўлмаган битимни имзолади. Ушбу битим Швейцарияда мусодара қилинган ноқонуний ўзлаштирилган активларни қайтариш мақсадида тузилди.

2012 йилда Швейцария Бош прокуратураси Гулнора Каримова билан боғлиқ жиноят иши доирасида 800 миллион швейцар франки атрофида бўлган активларни музлатиб қўйди.

2019 йилда тахминан 131 миллион АҚШ доллари мусодара қилинган. Имзоланган битимда ушбу суммани Ўзбекистонга қайтариш асослари белгилаб берилган. Унда реституция жараёни ва тамойиллари баён этилган.

Бажарилиши керак бўлган асосий тамойиллар:

– реституция жараёнидаги шаффофлик ва жавобгарлик;

– активлардан Ўзбекистон аҳолисининг турмуш шароитини яхшилаш учун фойдаланиш;

– маблағларни барқарор ривожланишни қўллаб-қувватловчи лойиҳаларга инвестиция қилиш (БМТнинг 2030 йил масалалари ва Ўзбекистонни ривожлантириш стратегиясига мувофиқ);

– мониторинг механизмини ташкил этиш;

– нодавлат субъектларнинг потенциал иштироки.

Асосий битимдан сўнг яқин келажакда Швейцария ва Ўзбекистон ўртасида қонуний мажбурий шартномалар бўйича музокаралар бошланиши режалаштирилган.

Шу нуқтаи назардан, тахминан 131 миллион АҚШ доллари Швейцария томонидан қайтарилиши айтилмоқда. Бундан ташқари, реституциянинг ўзига хос усуллари белгилаб қўйилади.

Гулнора Каримовага қарши давом этаётган жиноят иши доирасида юзлаб миллион долларлик активлар музлатилганича қолмоқда. Имзоланган битим ушбу иш доирасида келажакда мусодара қилиниши мумкин бўлган бошқа активларни қайтариш учун ҳам қўлланилади.

«Асосий битим Швейцариянинг сиёсий таъсирга эга шахсларнинг ноқонуний ўзлаштирилган активларини музлатиб қўйиш, мусодара қилиш ва қайтариш бўйича стратегиясига (“Активларни тиклаш”) мос келади», дейилади Швейцария ҳукумати тарқатган хабарда.

Eltuz.com

Тағин ўқинг
25 декабр 2018
Украина ҳукумати 2014 йили муомалага киритган тангада Қрим яриморолининг шарқий қисмида XIII асрда Ўзбекхон томонидан қурилган масжид ва мадраса ...
4 май 2023
Туркистонни ишғол қилган рус босқинчи генерали фон Кауфманга Тошкентнинг бош хиёбонида 1913 йилнинг 4 майида ёдгорлик ўрнатилган эди. Ушбу ...
31 август 2018
Тунги клуб қўриқчилари билан пичоқлашувда 8 август куни тошкентлик спортчи Жамшид Кенжаевнинг ўлими ортидан мамлакатда «тозалаш» ишлари бошлаб юборилди. ...
25 декабр 2017
24 декабрь – якшанба куни Тошкент шаҳар халқ депутатлари туман кенгашларига бўлиб ўтган сайлов халқнинг бундай тадбирга умуман ишончи ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...