Асосий мавзулар
4 октябр 2020

25 ёшли ўзбек аëл осма кўприкдан йиқилиб ўлди

Жорий йилнинг 2 октябрида Туркияда ўзбекистонлик 25 ёшли Шаҳноза Йўлдошева иккита қояни бирлаштирган симли осма кўприкдан (фуникулер) йиқилиб ўлди.

Туркиянинг Риза вилояти Бошкўй қишлоғида чой барглари териш билан шуғулланган ва терган чойларини ташиëтиб 25 метр баландликдан йиқилган Шаҳнозанинг икки боласи етим қолди.

Бу ҳақда «Элтуз»га Шаҳнозани таниган Туркиядаги яқинлари хабар берди. Аммо Йўлдошеванинг Ўзбекистондаги яқинлари билан «Элтуз» боғлана олмади.

Фожеа қандай рўй берди?

Туркиянинг чой етиштириладиган тоғли Риза бўлгасида йўл йўқлиги боис, одамлар сим арқонга осилган ва маҳаллий аҳоли Teleferiğ деб атайдиган қўлбола кўприкдан фойдаланишади.

Баъзан фуникулер деб ҳам аталадиган бу қурилма симга осилган беланчакни эслатади. Маҳаллий аҳоли бу осма кўприкдан юк ташийди.

Ризанинг Гунейсув элчаси Бошкўй қишлоғида чой териш каби машаққатли меҳнат билан банд бўлган Шаҳноза Йўлдошева кун бўйи терган чой баргларини қанорга солиб, фуниулер вагончасига юклади.

Ўзи ҳам вагончага чиқди. Осма кўприкдаги ҳаракатга келган трослардан бири чиқиб кетгани ортидан Шахноза 25 метр чуқурликдаги жарга қулаб, оғир жароҳат олди.

Қўшнилари бу аëлни касалхонага олиб боришди. Шаҳноза Йўлдошева шифохонада жон берди. Бундан олдин ҳам айни қишлоқ турғунларидан баъзилари шу қўлбола осма кўприк беланчагидан тушиб ўлган эди.

Шаҳнозалар, шаҳнозалар…

Туркия иш излаб хорижга кетаëтган ўзбекистонликлар учун Россия ва Қозоғистондан кейинги йирик меҳнат бозорига айланган.

Ўзбекистон паспорти билан 90 кунгача визасиз қолиш мумкин бўлган бу мамлакатда ҳозир қанча ўзбекистонлик ишлаëтгани ҳақида аниқ маълумот йўқ.

Тахминларга кўра¸ улар сони бир миллионга яқинлашган.

Eltuz.com

Тағин ўқинг
27 март 2019
Тарихчиларимиз ўтмиш қадриятларини мумкин қадар қадимийлаштиришни яхши кўриши сир эмас. Қадимийлик, минг йиллар ҳақидаги таъкидларни ўйламай, ҳеч бир фактсиз ...
1 декабр 2022
Дастлабки шикоят Қашқадарёдан: Бойқўрғоннинг омонат кўприги Қашқадарёдаги кўприк ибтидоий қурилишнинг ноёб намунаси каби сайёҳларни ўзига жалб қилиши мумкин. Аммо ...
31 май 2024
МС: Ничиксизла, хўжик брри, мўччи ойбикала. Оғо тозолиқладан сўлланг. Ўлган қотқон ким? Бир биравни гўттини ғижимлоғон ким? Галган гетканнан ...
22 апрел 2019
Қадимги туркий тилнинг иккита асосий алифбоси бор — Ўрхун-Енисей (кўктурк, руник) ёзуви ҳамда уйғур алифбоси. Бизгача етиб келган матнларнинг ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...