Асосий мавзулар
26 январ 2021

Ота: “Қизимни бўйи етгунча тўйма-тўй олиб юраман, бунинг уят жойи йўқ”

Қўқон шаҳрида истиқомат қилувчи 38 ёшли Дилмурод Абдураҳмонов 5 ёшли қизи Афрўзани икки йилдан буён тўйма-тўй олиб юрган. Бунинг учун у “Ўзбекконцерт”нинг Фарғона бўлимидан лицензия ҳам олган. 

Қизча тўйларга бир миллион, туғилган кун ва шунга ўхшаш базмларга беш юз минг сўмга боради.

Қизчанинг тўйларда рақс тушиши тасвирланган видеолар ижтимоий тармоқларга чиқиб кетганидан сўнг унинг отасини аёвсиз ҳақорат қилганлар ҳам кўп бўлди. 

– Қиз меники, уни ўзим билан олиб юриш-юрмасликни ўзим ҳал қиламан, – деди унинг отаси Дилмурод Абдураҳмонов “Элтуз” билан суҳбатда. –  Тирикчилигимиз шу тўйлардан тушадиган пуллар эвазига бўлиб турибди. 

Интернетда қизимга раҳми келиб тарафини олаётганлар унга бир бурда нон берармикин. Беролмайди. Қизимни бўйи етгунга қадар тўйларда олиб юрмоқчиман. Кейин ўзи билади, балки санъат соҳасидан кетар, балки бошқа соҳадан. Буни ўзи танлайди.

Афрўза қатнашган тўйлар видеоларида кўринишича, қизча рақс пайтида болага хос бўлмаган беўхшов хатти-ҳаракатлар қилади ва даврадан пул йиғади. Отаси уни бошқариб туради. 

Бу видеоларни илк маротаба интернетга жойлаган андижонлик Сардор Бектемиров “Элтуз” билан суҳбатда видеони ижтимоий тармоқларда тарқатишни қизнинг отаси илтимос қилганини билдирди. 

“Бу видеони жойлаганимизга беш ойдан ошган. Декабрь ойлари охирларида Дилмурод ака видеони каналдан ўчириб ташлашни сўради. Мен ўчирдим. Кейин ИИБдан ҳам телефон қилишди. 

Буни нега тарқатиб юборганимга изоҳ сўрашди. Бўлган воқеани айтиб бердим. Вазиятни тушунтирдим. Мени жаримага тортмоқчи ҳам бўлишди”, дейди Сардор.

“Элтуз” Афрўза билан суҳбатлаша олмади. Ота қизининг интервью беришини истамади. 

Видеони кўриб, бола ҳуқуқлари бу ерда қай даражада топталяпти, нега шу вақтгача ота бу ишини тўхтатмади, деган саволлар пайдо бўлади. 

Қўқон шаҳри ИИБ ходими 2020 йил декабрь ойида бу ҳолат ўрганилиб, отага зарур кўрсатмалар берилгани, агар бу ҳолат яна кузатилса, қонуний чора кўрилишини маълум қилди.

“Элтуз” Маданият вазирлигидан ҳам муносабат олишга муваффақ бўлди. 

“Томонлар лицензия тартибини бузмаса, биз уни бекор қила олмаймиз. Биз уларнинг лицензия шартларини бажаришини назорат қиламиз. Ёш болаларга лицензия бериш мумкин эмас, деган нарса йўқ бизда”, деди вазирлик ходими. 

Меҳнат ҳуқуқлари бўйича эксперт Умида Ниёзованинг айтишича, БМТнинг болалар ҳуқуқлари тўғрисидаги конвенциясига мувофиқ, агар боланинг ёшига мос ривожланишига, соғлиғига ва таълимига салбий таъсир этмаса, унинг ишлашига тақиқ йўқ. 

Болалар ота-оналарнинг хайрияга муҳтожлик объекти ҳисобланмайди, балки катталарнинг барча ҳуқуқларига эга. 

“Кўринишидан, Афрўзанинг отаси унинг талантидан, биринчи навбатда, пул ишлаш мақсадида фойдаланмоқда. Болалар ҳуқуқларини ҳимояловчи маҳаллий органлар бундай фаолият болага жабр бўлмаяётганига ишонч ҳосил қилишлари керак”, деди Умида Ниёзова.

Eltuz.com

Тағин ўқинг
17 август 2020
Россия ва Беларусь ҳарбий жамоалари “АрМИ-2020” халқаро армия ўйинларининг “Йўл патрули” мусобақаларида иштирок этиш учун Ўзбекистонга келди. Россия Мудофаа ...
26 май 2016
Мақолада ёзилишича, Андижон вилоятида фермерлар ғўзага ишлов беришда катта тажриба тўплаган бўлиб, бугун бу куздаги мўл ҳосил гарови бўлиб ...
15 июн 2020
Республика махсус комиссиясининг ҳайратга соладиган сўнгги қарори: «Агар хўжалик юритувчи субъектнинг белгиланган санитария-гигиена талабларига риоя этмагани натижасида коронавирус аниқланса, ...
23 декабр 2020
Ўтган пайшанба, 17 декабрь куни Telegram канали орқали Ўзбекистон Давлат хавфсизлик хизмати (ДХХ)нинг қатор “лохмач”ларини учратган жойда жазолаш ҳақида ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...