Асосий мавзулар
5 май 2021

Отангга бор, онангга бор, ўртада сарсон ўлик

Навоий вилоятининг Хатирчи туманилик марҳум фермер Музаффар Муҳаммадиевнинг яқинлари вилоят ва туман прокуратураларига ишончсизлик билдирмоқда. 

Марҳумнинг қабри биринчи марта қариндошлари талаби билан очилгандан сўнг мурда 27 апрель куни иккинчи марта экспертиза қилинди. Бироқ иккинчи экспертиза жараёнига марҳумнинг яқинларини чақиришмаган. 

Марҳум – 55 ёшли Музаффар Муҳаммадиевнинг ўлиги 2020 йилнинг 6 ноябрида уйига яқин бўлган Қаҳрамон ариғидан топилган эди.

Туман суд экспертизасининг дастлабки хулосасида “марҳум алкоголь истеъмол қилгани ва сувга ўзи йиқилиб, нафас йўлига сув кетиши оқибатида вафот этгани” айтилганди. 

Иккинчи экспертиза эса марҳум аввал ўлдирилиб, сўнг сувга ташланган, дея хулоса берди. Шу асосда Навоий вилояти прокуратураси томонидан гумондорларга нисбатан Жиноят кодексининг 97-моддаси “ж” банди (ўта шафқатсизлик билан қасддан одам ўлдириш) бўйича иш қўзғатилди.

Иш юзасидан тергов-суриштирув жараёнлари олиб борилаётган бир пайтда дастлабки экспертизани ўтказганлар Республика суд тиббий экспертизаси илмий-амалий форонсик маркази томонидан берилган хулосалардан норози бўлиб, қайтадан экспертиза талаб қилди. 

“Биз Бош прокуратурага ҳамда вилоят прокуратурасига қабр очилиши ва мурда қайта экспертиза қилинишига қатъий қарши эканимизни ёзма равишда тақдим қилган эдик, – дейди марҳумнинг акаси Ҳамро Мустафоев. – Чунки экспертиза натижасида укамнинг ички органларидан ҳеч нарса қолмади. 

Улар экспертиза хулосасига шубҳа билан қарашганига ва Хатирчи тумани масъуллари ўтказган юзаки ёлғон экспертиза натижасини маъқуллаш ҳаракатида экани учун қабр очилишига қарши эдик. Аммо барибир очишди”.

Марҳумнинг акаси Ҳамро Мустафоев бу масалада адолат истаб, Олий Мажлис Сенати раиси Танзила Норбоевага мурожаат йўллаган ва Навоий вилояти прокуратурасига ва прокуратура органларига ишончсизлик билдирган.

Мурожаатда Навоий вилояти прокуратураси экспертиза натижалари билан танишиш учун тиш-тирноғи билан қаршилик қилаётгани ва уларни беришдан бош тортаётгани айтилган.  (Бу ҳақда “Элтуз”да материал эълон қилингандан сўнг марҳумнинг яқинларига хулоса билан танишиш ҳуқуқи берилган эди).

“Навоий вилояти ва Хатирчи тумани прокуратуралари нега марҳум укамнинг мурдасини бизнинг розилигимизсиз иккинчи марта қайта эксгумация қилди? Нега марҳум укамнинг ишини вилоят прокурутураси ўрганаётган бир вақтда Хатирчи туман прокуратураси ҳам аралашмоқда?

Навоий вилояти прокуратураси нега Хатирчи тумани, Бухоро ҳамда Қашқадарё вилоятлари идоралари ўтказган экспертиза вақтида ўз эътирозларини билдирмади? Уларнинг хато ва камчиликларига нега кўз юмди? 

Республика суд тиббий экспертизаси илмий-амалий форонсик маркази ўтказган экспертиза натижалари шаффоф ва адолатли эканига ишончимиз комил бўлса-да, нега Навоий вилояти прокуратураси бундан шубҳада? 

Вилоят прокуратураси нега республика идорасига нисбатан ишончсизлик билдирмоқда? Бунга қонуний асоси борми? Нега вилоят прокуратураси гумондор шахсларни қонуний тергов қилмасдан, ишни орқага сўриш ва ҳар хил асоссиз важлар кўрсатиш билан овора?” дея мурожаат қилган Т.Норбоевага марҳум фермернинг акаси Ҳамро Мустафоев.

Марҳум Музаффар Муҳаммадиевга тегишли “Шерали Бобур 2018” фермер хўжалигига 49 йилга ажратилган ер майдонининг туман ҳокими қарори билан 3 нафар фуқарога ўтказилиши ўзаро келишмовчиликларга сабаб бўлган.

Марҳум фермер 5 ноябрь куни Навоий вилояти маъмурий судида ўз даъво аризаси бўйича иштирок этган. Айбланувчи томон – туманнинг ўша вақтдаги ҳокими Ғафур Алиев судда иштирок этмаган ва суд бошқа кунга қолдирилган. 

Ўлимидан кўп ўтмай эса марҳум фермер судда ғолиб, деб топилиб, туман ҳокими маъмурий жавобгарликка тортилган.

Тағин ўқинг
10 ноябр 2017
9 ноябрь куни Тошкентга Пуйоль келди, биласиз-а? Карлес Пуйоль «Барселона»нинг собиқ ҳимоячиси. Жамоа тарихидаги энг зўр ҳимоячи. 2007 йил ...
20 март 2019
2005 йилнинг 20 март куни Қирғизистонда давлат тўнтариши юз берди. Парламент сайловидан норози бўлган мухолифатчилар дастлаб ўзбеклар зич яшайдиган ...
4 август 2018
Навоий театрининг японлаштирилиши, аслида хиёбонларнинг чопиб йўқ қилиниши, деворий санъат асарларини ўчириб, устига фотообой қоплаш, тарихий ёдгорликлар ўрни, шакли ...
19 июн 2018
Ўзбекистон Давлат хавфсизлик хизмати ўзининг facebokдаги саҳифасида билдиришича, 2014 йили АҚШ ватандошлигини олган асли қашқадарëлик Зокир Алиев АҚШда халқаро ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...