Асосий мавзулар
11 октябр 2021

Газсиз қолган бобо менингитга чалинган набираси учун қайғурмоқда

Тошкент вилоятининг Янгийўл туманидаги Бойтиш маҳалласида яшовчи Шомирза Рихсибоевнинг хонадонида 7 ойдан буён газ йўқ.

– Кунлар совиб кетди. Уйда ҳам чопонда юрибмиз, – дейди Шомирза Рихсибоев. – Баҳор ҳам совуқ келди, набираларим ҳар икки кунда шамоллаб чиқди. 11 ёшли набирам совуқ уйда ётиб қолганидан сурункали касалликка чалинди. Ҳозир менингит ташхиси билан шифохонада ётибди. Ўтин олиб печка ёқайлик, десак, бунга ҳам қурбимиз етмаяпти. Печкалар ҳам қиммат. Газни ёқишни илтимос қилиб икки-уч марта ҳокимликка бордик, улар ҳам одамнинг устидан кулгандай икки кунгина ёқиб беришади.

“Элтуз” мухбири ҳолатни ўрганиш мақсадида Тошкент вилояти газ таъминоти раҳбарияти билан боғланди. Улар қарздорлиги бор хонадонларга газ бермаслик топшириғи борлигини билдиришди.

– Ушбу хонадоннинг газдан 2016 йилга қадар 4 миллион 600 минг сўм миқдорда қарзи бўлган, – деди “Элтуз” билан гаплашган мулозим. – 2020 йил кузида тўлаш шарти билан хонадон гази узилмаган. 2021 йил апрель ойига қадар газдан қарздорлик бартараф этилмагани учун хонадонни газдан узишга мажбур бўлинган. Орадан 7 ой ўтса-да, қарз ҳалигача тўланмаган.

Шомирза Рихсибоевнинг “Элтуз”га айтишича, 11 ёшли набира қизим шифохонада оғир аҳволда ётибди. Яқин кунларда чиқса, совуқ уйда яна тоби қочишидан қўрқмоқда.

“Набирамнинг дори-дармонига ҳам бироз қийналиб қолдик. Ҳомий бўлса, озроқ қарашиб юборса яхши бўларди”, деди Шомирза Рихсибоев.

Eltuz.com

Тағин ўқинг
13 ноябр 2017
Ўзбекистонлик 1 миллиондан ортиқ меҳнат мигрантлари Санкт-Петербургда ишлаётгани расман тан олинди. Демак, РФнинг Ўзбекистонга масофа жиҳатдан ундан-да яқинроқ пойтахти ...
21 август 2017
1961 йил Бухорода туғилган. Тошкент Давлат Университетининг журналистика факультетини битирган. 1995 йил февралда Ўзбекистондан чиқиб кетгач, аввал Би Би ...
13 январ 2023
Ўзбек киноси шимолдаги «уришқоқ» давлат эмас, балки Гарбдаги тараққийпарвар давлатлар билан ҳамкорлик қилаётгани қувонарли ҳолдир. Сал олдин ВГИКнинг филиали ...
24 ноябр 2016
72 ёшли сиёсий маҳкум Самандар Қўқоновнинг яқинларидан бугун Eltuz.comга етиб келган хабарга кўра охирги суд ажрими бекор қилинган, унинг ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...