Асосий мавзулар
23 март 2023

ЭП63: Сифатсиз қурилган бинолар, сифатсиз ётқизилган асфальт ва сифатсиз таълим

Салом қадрли муҳлислар. Бугун 22 март. Элтуз порталига келган навбатдаги 5 та шикоятни ўқиб эшиттирамиз. Мактублар Ўзбекистоннинг Тошкент, Наманган, Андижон, Қашқадарё ва Самарқанд вилоятларидан келган. Дастлабки мактуб Қашқадарёдан. Маҳаллий масъуллар айби билан сифатсиз қурилган ва снос муаммоси.

 “Қашқадарё вилояти Косон тумани Янги Ўзбекистон массивидан ёзмоқдамиз. Ўтган йили Президентимиз келиб, шахсан лойиҳани кўрган эдилар.  30 та кўп қаватли уй, мактаб, боғча ва поликлиника қурилиши керак эди. Қурилиб бўлдиям. Кейин эса аҳолининг қурилиш бошлаган уйлари “снос”га туширилди. Янги йил арафасида бузишга хат беришди. Ҳамма байрам қилганда усталар уй бузиши керакми? 15 кун муддат ўтгач, аномал совуқ кунлари жарима чиқаришди. Совуқда судга ҳеч ким бора олмади. Энди эса ишни МИБга ўтказиб, жарима ундиришни бошлашди. Маҳаллий масъулларнинг хатти-ҳаракати қонунийми? Яна бир савол: ўзи қурилиш сифатли қилинмоқдами?”

Кейинги мактуб Намангандан, НТМга ҳар ой бадал пули тўланади, лекин шароит ва ўқитиш сифати қониқарли эмас.

“Намангандаги 52-мактаб қошида фаолият юритаётган “Темурий авлодлари” нодавлат таълим муассасаси ишидан қониқмаётган ота-оналар номидан ёзмоқдамиз. Ушбу НТМга ҳар ой бадал пули тўлаймиз. Лекин шарт-шароит яхши эмас. Болалар  ётоқхонаси, ўқув хоналари, берилаётган овқатлар талабга жавоб бермайди. Ўқув жараёни ҳам қониқарли эмас. Бизга мактаб деб тушунтирилган эди, лекин курс экан. Ҳужжат берамиз деб алдаб келмоқдалар. Ваколатли идоралар мактаб фаолиятини текширса яхши бўларди”.

Навбатдаги мактуб Самарқанд вилоятининг Нуробод туманидан. Электр идораси аҳоли пулига ўрнатилган трансформаторни улашни пайсалга солаяпти.

 “Самарқанд вилояти Нуробод тумани Сарикўл қишлоғидан мурожаат йўлламоқдамиз. Электр корхонаси фаолиятидан норозимиз. Аҳоли трансформатор ва керакли материалларни сотиб олдик, ўзимиз ўрнатиб, тармоққа улашга тайёр қилиб қўйдик. Электр идораси эса улаб бермай пайсалга солаяпти.
Аслида,  вилоят ҳокимининг 2023 йил январдаги сайёр қабулида ҲЕТК раҳбари ҳамма материални берамиз деб ишонтирганди, лекин ваъдасини бажармади. 42 хонадон чироқдан қийналяпмиз, бу борада 5 йилдан бери мурожаат қиламиз. Вилоят раҳбарларидан ҲЕТК  ма’муриятига тегишли чора кўришлари ва трансформаторни тармоққа улаб беришларини сўраймиз”.

Кейинги мактуб Тошкент шаҳридан. Тиббиёт академияси кўп тармоқли клиника шифокорлари турли бахоналар билан пул йиғиб олишаётганидан норозилик билдиришган.

“Тошкент тиббиёт академияси кўп тармоқли клиникасидан ёзмоқдамиз. Шифокорлар 1-2 млн сўм маош оламиз. Чунки хўжалик ҳисобига ўтилгач, ойлик қисқариб кетган. Шунга қарамай, турли баҳоналар билан ходимлардан пул йиғилмоқда. Масалан, клиникани ободонлаштириш ҳам бизнинг ҳисобимиздан бўлар экан. Бу меҳнат қонунчилигига зид-ку.

Онлайн тизимга ўтилган клиникамизда ҳаммага компютер берилмаган, айрим ходимлар уйимиздаги компютер ва ноутбукларни келтириб ишлаймиз. Сканер ва қоғозлар ҳам ўз ҳисобимиздан. Клиника маъмурияти канцелярия буюмлари бермайди. Яна ғазнага кам пул туширяпсизлар деб танқид қилишади. Келган беморлар ночор бўлса, қандай қилиб пул оламиз? Ғазнага туширилган суммамиздан ойлик берилади, аммо маблағнинг асосий қисми клиника ҳисобига ўтказилади. Ишдан ташқари мажлисбозлик алоҳида мавзу.

Яқинда фармасевтика компаниялар билан ишламанглар деб топшириқ берилди. Албатта, тўғри талаб. Лекин клиника маъмурияти аввало иш жараёнида керак бўладиган меҳнат қуроллари билан тўлиқ таъминлаши керак-да…”

Ва ниҳоят сўнгги бешинчи мактуб Андижон шаҳридан. Шикоятгўй кўчага янги асфальтнинг юпқалигига эътибор қаратади.

“Андижон шаҳридан мурожаат қиляпмиз. Янги очилаётган 56-мактаб ёнидаги йўл асфальт қилинмоқда. Йўл таъмири учун раҳмат, лекин асфалт жуда юпқа ётқизиляпти-да. Бу ҳолат шаҳарсозлик талабига тўғри келадими?”

Бу сизга бугун ўқиб эшиттирганимиз сўнгги бешта шикоят эди. Эслатиб ўтамиз. элтуз портали интерактив тарзда телеграм каналида алоҳида саҳифа шаклида очилган. Мурожаатлар учун у ерга махсус бот ҳам ўрнатилган. Элтуз келаётган шикоятлар, таклифлар ва уларга ёзилган жавобларни ҳам эътиборингизга тақдим этишга интилади. Кун давомида биз билан қолинг. Каналларимизга обуна бўлинг.  

@eltuz

Тағин ўқинг
7 август 2018
Тушишим билан «Нимага имиллайсан ҳайвон, курортга келдингми!?» деб елкамга, белимга беш-олти марта резина тўқмоқ билан аямасдан уришади, «дело» бўйича ...
5 апрел 2018
Ҳайдовчилик камарини тақмаганлик учун жарима тўлаб бўлган ҳайдовчилардан олти ой ўтиб қайтадан жарима тўлашлари талаб қилинмоқда. Бу ҳақда «Элтуз» ...
8 март 2018
Канадалик ўзбек ҳуқуқшуноси Дилсора Фозилова 8 март куни «Элтуз» канали орқали юнусободлик имом Раҳматуллоҳ Сайфуддиновнинг «турк сериалларини кўрган аёллардан ...
28 ноябр 2019
Туркияда яшаётган Ўзбекистон «Эрк» демократик партияси лидери Муҳаммад Солиҳ 27 ноябрь куни «Настояшее время-Азия» ТВ дастури учун берган интервьюсида ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...