Асосий мавзулар
11 март 2024

Қулаётган симёғочлар, кесилган дарахтлар ва абгор кўчалар – ЭП123

Элтуз порталига келган навбатдаги 5 та мактубни ўқиб эшиттирамиз. Улар Ўзбекистоннинг Самарқанд, Қашқадарё, Сурхондарё ва Тошкент вилоятларидан келган. Дастлабки мактуб Самарқанддан. Чириган симёғочлар қулаши Оқдарёда ҳам давом этмоқда.

“Самарқанд вилояти Оқдарё тумани Янгиобод маҳалласидан мурожаат қиляпмиз. Маҳалламиздаги симёғочлар 2021 йилда алмаштирилади деб рўйхатга киритилган эди. Мана, 3 йилдирки, ҳеч ўзгариш йўқ. 7 феврал куни тунда Музон қишлоғидаги симёғочлар ағанаб, симлар узилиб кетди. Яхшики, ҳеч ким йўқ экан, акс ҳолда бирортасининг умрига зомин бўлиши мумкин эди. Бирор мутасадди ходим келиб текширгани йўқ. 

йўлларимиз ҳам асфалт қилиниши керак эди, лекин одамлар кутишдан чарчаб ўз ёнидан бетон қуйиб, тош тўкяпти. Маҳалла раиси симёғоч ва йўл масаласида ҳаракат қилармикан? Маҳалламиз қачон номига муносиб бўлади?” дея ҳасрат қилади янгиобод маҳалласи турғуни.

Қашқадарёда эса кўп йиллик тут ва тераклар кесилмоқда. Бу ҳақда Яккабоғлик Элтуз обуначилари ёзмоқда

 “Қашқадарё вилояти Яккабоғ туманидан мурожаат қиляпмиз. 1088-контурдаги терак ва тутзор 1996 йили Биринчи Президентимиз ташаббуси билан ташкил қилинган эди. 8 гектарлик шу боғ 2023 йили гўё бўш ер сифатида ноқонуний равишда электрон савдога чиқиб кетган. Уни ютиб олган шахс ҳозирги кунда кўп йиллик тут ва теракларни аёвсиз кесиб ташламоқда. Экология идораси ҳолатга эътибор қаратишини сўраймиз”.

Кейинги мактуб, мактабларда болалари ўқиши ва тарбияси юзасидан огохлантириш хати олган ота оналардан. 

“Мактаб маъмурияти ота-оналарга жарима ҳақида огоҳлантириш хати беряпти. Мақсад пул ишлашми? Бу талаб қонунчиликка тўғри келадими ўзи?” дея шубҳаланмоқда мурожаатига огоҳлантириш хатини ҳам илова қилган мухлис. 

Маълум бўлишича, Огоҳлантириш хати ҳуқуқбузарликлар профилактикаси тўғрисидаги қонуннинг 31 моддаси, Маъмурий жавобгарлик тўғрисидаги кодекснинг 47 моддасида кўрсатилган холатлар юзасидан берилган. Демак ҳаммаси қонуний. Яъни болалар тарбияси ва ўқиши учун уларнинг ота оналари жавобгар. Агар сиз болангизга тўғри тарбия бермаган бўлсангиз ва сизни бунинг учун 15 суткага қамашса, ёки жаримага тортишса ҳар холда бу тўғри қарор бўлади.

Кейинги мактуб, Зангиота туманининг абгор аҳволдаги кўчалари ҳақида.

«Ассалому алайкум, Хурматли «Элтуз» тахририяти, сизга Тошкент вилояти Зангиота тумани «Эркин» МФЙ да истиқомат қилувчи фуқаролар номидан мурожаат йўлламоқдамиз.  

Бизнинг маҳаллада ўтган 2023 – йилнинг ёз ойларида канализация ва ичимлик суви қувурлари ётқизилган эди. Бу ишлар якунлангач, қазилган ер қайтадан кўмилган, лекин ҳанузгача асфалт қилинмади!

Таъмирлаш ишлари якунига етганидан кейин Камолиддин Бехзод ва Эркин кўчаларида фақатгина булдозер ёки трактор каби махсус транспорт воситаларида юриш мумкин бўлиб қолди, енгил автомашиналарда эса бу кўчалардан ўтиш, машина эгаси учун хам моддий хам маънавий АЗОБ! 

Агар ХОКИМларимиз ва уларнинг муовинлари ишонишмаса ўзларининг хизмат ёки шахсий автоуловларидами келиб бир юриб кўришсин!

Йилнинг ёғингарчиликсиз пайтида кўчаларимиз, хонадонларимиз чангдан аримайди. Аёл, қизларимиз сув сепишдан, уйларнинг чангини артишдан росаям чарчашди!  

Мутасаддиларга қилинган мурожаатлар аксар ҳолларда жавоб ва эътиборсиз қолмоқда, ёки «тепадан» қандайдир учинчи даражадаги муаммони ҳал қила олмайдиган, лекин «номига» маҳаллий фуқаролар билан формал учрашув ўтказиб кетадиган «вакилчалар» юборилиши билан чекланиб қолинмоқда. Улар ҳам фақат юпатадилар ва ҳеч нарса қилолмаймиз деган сохта важларни рукач қиладилар. Ёки номига «қўл учида» йўлнинг кичкинагина қисмига шағал ва тош ётказиб, «РАХБАРИЯТЛАРИГА» ишни дўндирдик деб «РАПОРТОВАТ» қилишармикин?

Бу ишларнинг натижасини бир ёмғир ва қор ёғгандан сўнг келиб кўришсин!» дея ёзмоқда Зангиотадаги кўча жонкуяри.

Ва ниҳоят сўнгги мактуб, ертўласини сув босган, Термиздаги Ислом Каримов кўчасида қурилган уй эгаларидан.

 “Сурхондарё вилояти Термиз шаҳри Боғишамол маҳалласи И.Каримов кўчасидаги кўп қаватли уйлардан ёзяпмиз. Подвалларимизни сув босиши сабабли уйимиз ички фасади кўкариб-захлаб кетяпти. Йўлакларимиз чўкиб кетган, айвончалар таъмирталаб. Газонлар сувсизликдан сарғайиб кетган, ҳовлида бир дона ҳам гул йўқ. Қурувчилар ремонт қилиб берамиз деганди, аммо натижа йўқ. Уйимизнинг кредити бор, таъмирга ортиқча пулимиз йўқ. Мутасаддилар ҳолатни ўрганиб, етказилган зарарни қоплатиб берсин” дея ёзмоқда айни уйларда яшовчилар.

Ва бу сизнинг эътиборингизга бугун ҳавола этганимиз бешта шикоятнинг сўнггиси эди.

Кўрсатувимизга келаётган изоҳларда кўпинча биз билан қандай боғланиш. Қандай қилиб бизга мурожаат қилиш мумкинлиги тўғрисида сўрашади. Билмаганлар учун яна бир бор эслатамиз. элтуз портали интерактив тарзда телеграм каналида алоҳида саҳифа шаклида очилган. Мурожаатлар учун у ерга махсус бот ҳам ўрнатилган. Элтуз келаётган шикоятлар, видеомурожаатлар, таклифлар ва уларга ёзилган жавобларни ҳам эътиборингизга тақдим этишга интилади. Кун давомида биз билан қолинг. Каналларимизга обуна бўлинг.  

Тағин ўқинг
13 июл 2020
Ўтмиш тозалаб қўйилган. Ëлғон эса ҳақиқат дея бизга тақдим қилинмоқда. Бу гапни ëзувчи Жорж Оруэлл бундан 70 йил олдин ...
7 июн 2017
Андижонга сафари пайти «Олтинкўл» туманидаги фермер хўжалигидаги зотдор эчкиларни кўрган президент Шавкат Мирзиёев ҳар бир хонадонга иккитадан эчки тарқатишни ...
7 январ 2020
Кейинги бир ой ичида 68 яшар бизнесмен, жиноий дунёга яқин бўлган Ғафур Рахимов хакида интернетда негатив шаклда тилга олинган ...
10 феврал 2024
Аксилкоррупсия хизматининг 43 ёшдаги генерал-лейтенанти Ўлжас Бектеновнинг Қозоғистон бош вазири этиб тайинланиши, шубҳасиз, унинг постсовет тарихидаги муҳим воқеадир, дея ...
Блоглар
21 апрел 2024
Картинани кеча уйимга олиб келдим. Бир кеча термилиб ётмоқчи эдим. Лекин имкон бўлмади. Доимгидек ҳаёт ...
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...