Асосий мавзулар
2 апрел 2024

SwissLab қурилиши, ушланган ойлик, юбка ва шим… – ЭП134

Салом қадрли мухлислар, Элтуз порталига келган навбатдаги 5 та мактубни ўқиб эшиттирамиз, улар Ўзбекистоннинг Жиззах, Наманган, Тошкент, Сирдарё ва Хоразм вилоятларидан келган.

Хатлар оқими давом этмоқда, муаммолар ечимини тўлиқ таъминлаш учун каналимизга обуна бўлиш, лайк босиш ва суперраҳмат тугмачасини босиш талаб қилинади ва биз хатларни ўқишда давом этамиз.

Дастлабки шикоят Жиззах вилоятидан. Миллий университет студентининг қариндоши ёзмоқда.

“Синглим Ўзбекистон Миллий университетининг Жиззах филиалида ўқийди. Ўқишга расмий классик кийимда – қора костюм-шимда борса, ўқитувчилари юбкада келинг деб қўймаяпти. Юбка кийса, табақаланиш камаяр эмиш. Онангизни чақиринг, тушунтириш хати ёзиб берсин деб айтишибди. Тушунтириш хатини нима деб ёзади, қизим костюм-шим кийгани учун кечиринглар дейдими?! Университетда шундан бошқа муаммо йўқмикан? Формага талабни кучайтиргунча, факултетларда лаборатория қуриб беришсин” дея ёзмоқда қизларнинг костюм шимда юриши тарафдори.

Кейинги мактуб Учқўрғондан. Прокуратура тиббиёт бирлашмасининг 701 нафар ходими маошини мажбурий ушлаб қолишга буйруқ берган.

“Наманган вилояти Учқўрғон тумани тиббиёт бирлашмасидан ёзяпмиз. Туман прокуратураси бош врачга март ойи иш ҳақи ҳисобидан 701 та ходимнинг  ойлик маошини мажбурий ушлаб қолиш тўғрисида кўрсатма берибди. Прокуратура моддий ёрдам ва мукофот пуллари асоссиз тўланган деб ҳисобламоқда.  Қонун ҳимоячиларининг бу талаби қонунийми? Ёки бу ерда бошқа гап борми?..” дея ёзмоқда учқўрғонлик тиббиёт ходими.

Навбатдаги шикоят Тошкент шаҳридан. Уй эгалари бино олдида лаборатория қурилишидан норозилик билдиришмоқда.

“Биз Тошкент шаҳри, Мирзо Улуғбек тумани, Мирзо Улуғбек кўчаси, 122/1 – кўп қаватли уйда яшовчилар, уйимиз олдида SwissLab қўшма корхонаси томонидан лаборатория қурилишига қарши бўлганмиз. Лекин шунга қарамай қурилиш бошланган. Кўп маротаба мурожаатларимиз натижасиз қолди.

Кўп қаватли уйимизда 124та хонадон борлигига қарамай, болалар майдончаси йўқ. Туман ва шаҳар ҳокимлари қабулида бир неча бор бўлганмиз. Аммо натижа бўлмади. Ҳолбуки, биз Конститутсияда ёзилган ҳуқуқларимизни талаб қиляпмиз.

Чет эллик инвесторлар аввало бизни ҳурмат қилиб, қонунларимизга бўйсуниши керак эмасми? Болалар футбол майдончасидан 0,5 метр нарида лаборатория бўлиши мумкинми? Болалар майдончасига жой йўқ, лекин лабораторияга жой бор экан!

Яна бир ҳолат. 2023 йилнинг 23 сентябр куни юк машинасида қоплар олиб келинган. 102 хизматини чақирганимизда маълум бўлдики, қопларда қандайдир тестлар бўлган. Ўша қопларни кечаси фундамент ёнига кўмиб юборишди. Нима сабабдан билмадик, қопларни кечаси яна қазиб олиб, юк машинасида олиб кетишди… Мурожаатимиз ижобий ҳал этилишини сўраймиз” дея ёзмоқда тошкентлик квартира эгалари.

Кейинги шикоят Хоразм вилоятининг Янгибозор туманидан. Элтуз обуначиси туман бозоридаги аҳволдан шикоят қилмоқда.

«Хоразм вилояти Янгибозор тумани деҳқон бозори умуман талабга жавоб бермайди.

Оёқ остидаги кафеллар синиб, тепа томдан сув оқиб ётибди. Илтимос, мутасадди ходимлар шунга чора кўриб беринглар…» дея ёзмоқда янгибозор турғуни.

Ва ниҳоят сўнгги мурожаат Сирдарёдан. Навбатдаги лойга ботган, асфальтсиз кўча.

«Ассалому алайкум туз оға.

Шу мурожаатимизни ёритсангиз, Сирдарё тумани Элобод маҳалласи Ғаллаорол кўчасида юриб бўлмай қолди. Ўқувчилар сув, лой оралаб мактабга боришади. Кеча икки соат ёққан ёмғир шу аҳволга солди йўлимизни. Агар бир кун ёғса дарё бўлади. Илтимосимиз шуки , асфалт керакмас, бизга шағал тош тўкиб беришса бўлди эди. Олдиндан раҳмат”.

Ва бу ҳозирга қадар эълон қилганимиз сўнгги мурожаат эди. Яна бир бор эслатамиз, элтуз портали алоҳида телеграм саҳифаси шаклида очилган. У ерга хатлар учун махсус бот ўрнатилган. Элтуз келаётган шикоятлар, видеомурожаатлар, таклифлар ва уларга ёзилган жавобларни ҳам чоп қилишга интилади. Каналимизга обуна бўлинг. Агар кўрсатувимизни қўллаб қувватламоқчи бўлсангиз супер рахмат тугмачасини босинг. Соғ бўлинг.

Тағин ўқинг
9 декабр 2020
Ўғирланган ва халқаро майдонга олиб чиқиб кетилган активларни ўз мамлакатига қайтариш коррупцияга қарши глобал курашнинг муҳим воситасидир.  Бу клептократлар ...
24 октябр 2017
Ижтимоий тармоқлар интернет орқали ахборот етказишнинг энг қулай ва тезкор воситасига айланди. Айрим блогерлар ижтимоий тармоқларда баъзан шу қадар ...
14 апрел 2018
Чех кинорежиссёри Милош Форман 87 ёшида 2018 йилнинг 14 апрелида ҳаётдан кўз юмди. Ўтган асрнинг 60-йилларда ўз ижоди билан ...
22 ноябр 2016
Шундай иштиёқни билдирганлар орасида 68 яшар фарғоналик фермер, 63 яшар хоразмлик пенсионер, андижонлик новвой бор. Жумладан, фарғоналик кекса фермер ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...