Cатира
27 май 2016

“Ўзбекавтосаноат” иши бўйича яна 50 киши сўроққа чақирилди

Жорий ҳафтада Асакадаги машина заводида яна 50 киши сўроққа тортилиб¸ шаҳарни тарк этмаслик борасида имзо чектирилди.

Бундан олдин ўнлаб кишилар GM Uzbekistan ширкатидаги жиноий схемаларда айбланиб ҳибсга олинган эди. Озодлик радиосига кўра, қўлга олинганлар орасида Ўзбекистон МХХ раисининг қудаси, Ўзбекистон Солиқ қўмитаси раиси Ботир Парпиевнинг яқинлари бор.

Машина жанжали бошланганидан бери ўтган бир ой ичида GM Uzbekistan бошқарувининг таъминот бўйича ўринбосари Равшан Искандаров ва унга кўмаклашган Зайнобиддин Низомов қамалган эди.

2010 йилдан бери ўзбек автоконцернини бошқараëтган ва айни пайтда «Ўзавтосаноат» ҳиссадорлик ширкати бошқарув раиси ўринбосари бўлган Тоҳиржон Жалилов товламачилик йўли билан ширкат пулларини ўзлаштирганликда гумонланиб, ўтган ойда ҳибсга олинган эди.

Жалиловнинг GM Uzbekistan корхонаси ишлаб чиқарган машиналарни Россияга эскпорт қилишда ноқонуний схемалар ёрдамида катта миқдордаги маблағларни ўзлаштирганлиги ҳақида Eltuz.com ëзган эди.

Айни пайтда муфаттишлар Қозоғистон ҳудудида жойлашган ва жиноий тўдалар тилида “отстойник” деб аталган автожамлоқни кўздан кечиришган.
Ўтган бир ой ичида жамлоқдаги машиналар сони озайгани айтилди.

Муфаттишларнинг дрон учқич кўмагида олган суратларида автожамлоқдаги машиналар сони уч мингдан сал озроқ экани аëн бўлди.

Атиги бир ой олдин бу жамлоқдаги машиналар сони икки баробар кўп эди.

Eltuz.com мухбирига маълум бўлишича жамлоқдаги Ravon русумли автомобиллардан 200 таси шу кунларда Россиядаги ҳаридорлар қўлига етказилган. Улар пулини олдиндан тўлаб кутиб ўтирган ҳаридорлар экани айтилади.

Рассом Туз
Eltuz.com

Тағин ўқинг
13 октябр 2016
«Ҳуррият» газетаси (12.10) ўзининг 1000-сони чиқиши муносабати билан нашрни ташкил этиш жараёнларида бевосита иштирок этган таниқли журналист Аҳмаджон Мелибоевнинг ...
3 август 2024
Яшаш соатининг олтин капкири қимирлаб-қимирлаб бир хафта ўтди. Мана яна қаршингиздаман. Юзма-юз. Бетма-бет. Аччиқ ҳақиқатларни айтиш учун бугун ҳизматдаман. МС: Хўжик ...
17 апрел 2017
Ҳурматли тахририят, Муштумнинг издоши бўлган Элтуз, мен сизга ўзим ишлаган «Муштум» ҳақида ўйларим “Муштум” кеча ва бугун деган маънодаги ...
10 август 2022
Таниқли сиёсат арбоби ва шоир Мухаммад Солих билан май ойида ўтказилган бу суҳбат бевосита Элтуз ташаббуси билан тайёрланди. Фақат ...
Блоглар
23 январ 2025
Ўзбекистон мудофаа вазири Холмухаммедов босқинчи газанда Россия билан 2026-2030 йилларда ҳарбий соҳада стратегик ҳамкорлик дастури ...
20 январ 2025
Ўзбекистон президенти уйида йиртқич ҳайвон¸ илон ва хашаротларни боқадиганлар жазоланиши ҳақидаги қарорни 16 январь куни ...
12 январ 2025
Турли мавзуларга ўз қараши билан фарқланадиган блогер Кирпи Президентнинг 380-сонли қарори асосида 1000та китобнинг ўзбек ...