Ўзбек оиласининг сийрати

Ўзбекистондаги матбуот ва расмий статистика ҳар йили Ўзбекистонда никох ҳолатлари кўпаяётгани ва ажралишлар сони камайиб бораётгани ҳақида ёзади.

Балки бу тўғридир, бироқ ҳукумат ва жамиятнинг кучли назорати остида қолаётган, сиртдан мустаҳкам кўринган ўзбек оиласи, ичидан анча мўртдай.

Дунёни титратган матбуот хабарларига назар ташларкан, ўзбек оиласига оид даҳшатли ва парадокс ҳолатларга кўзимиз тушади.

Чақалоғини туғибоқ бўғиб ўлдирган ёки муаммоларини ечиш учун фарзандини сотишга аҳд қилган ўзбек аёли, жинсий тажовуз ва тоқатсизлиги билан ном чиқарган ҳукумат ва милиция амалдорлари, ўйнаши ва ўзининг жонига қасд қилган, қайнатасининг буйруғи билан чопиб ўлдирилган самарқандлик куёв, боласини калтаклагани учун қамалган она, турли сабаблар билан ўз жонига қасд қилаётган болалар ҳақида чиқаётган хабарлар cиртдан мустаҳкам кўринган ўзбек оиласининг бугунги ички сийратини фош қилади.

Рассом Элсевар
Eltuz.com