Тошкентда арчалар бўялмоқда

Мустақиллик куни арафасида арчаларнинг бўялиши ҳақидаги навбатдаги расмни eltuz.comга рассом Адолат йўллади. Бунда қуёшда сарғайиб қуриган арчани бўяётган фаррош аёл акс этган.

Ўзбекистон ҳукумати эгаларининг мантиқсиз амалини ифода этувчи бу манзара «Ҳокимият одамни бузади, мутлақ ҳокимият эса уни мутлақ ҳароб этади» деган бовариялик машхур файласуф Джон Дальберг-Актоннинг қанчапик ҳақ эканини англатади.

Аэрозол билан бўялган қуриган арчалар сурати Фейсбукка ташланиши билан бошланган мунозара ижтимоий сайтларда ҳануз давом этмоқда.

Тошкент ҳиёбонларидаги кесилган беҳисоб навқирон дарахтлар ўрнида экилган арчаларни бўяш, сирти ялтироқ, ичи қалтироқ мамлакат манзарасига айланди.

Иссиқ иқлимга чидамай қуриган бу арчаларнинг бир вақтлар «дарахткесар ҳукумат рахбарлари» зуғуми остида аҳолига мажбуран эктирилгани кўпчиликка сир эмас.

Ҳиёбонларда чопилган азим дарахтлар ўрнига экилгану, кўкармаган арчаларни бўяб кўрсатиш, биноларнинг ички коммуникацияси, канализация тизимини янгилаш ўрнига уларнинг сиртини пластик билан қоплаш каби зарарли амалларнинг узвий давомидир.

Рассом Адолат
Eltuz.com