Ўзбек иккичилари пул тўлаб институтда ўқийди

«Яна отаси бой иккичиларнинг омади кулди», дейди рассом Туз бакалавриат ва магистратура босқичига қабулнинг 20 июн куни чиқарилган янги тартиблари тўғрисида.

Вазирлар Маҳкамаси қарорига кўра, кириш имтиҳонидан йиқилган абитуриентлар етмаган баллари миқдорида оширилган контракт пули тўлаб ўқишга киришлари мумкин.

Юқори натижанинг 1-дан 4-баллигача етмаганлар оширилган контрактнинг 1,5 баробаридан 3 баробаригача, 30 фоиздан кам бўлмаганлар эса 10 баробардан ортиқ тўловлар шарти билан ўқишга қабул қилинадилар.

Етарли балл тўплолмаган абитуриент, бир ой вақт ичида оширилган контракт учун Давлат комиссиясига ариза бериши керак.

Яна бир гап! Ўзбек олий ўқув юртларида ўқиш нарҳи эндиликда Британиядагидан ҳам кўпроқ бўляпти.

Рассом Туз
Eltuz.com