Каримов «сотқинлар уяси» деб айтган комсомолни Мирзиëев тирилтирди

30 июн куни президент Шавкат Мирзиёев, «Камолот»ни тугатишга, унинг ўрнида комсомолга ўхшаш (Коммунистик Ёшлар Иттифоқи) каби ташкилот тузишга қарор берди.

1990 йили Шавкат Мирзиёев Тошкент Ирригация институтида Комсомол котиби бўлиб ишлаган. Бу давр Комсомол ва умуман коммунистик партия таназзулига тўғри келган эди.

“Камолот” СССР таркибидаги Комсомол ташкилоти ўрнида ташкил топган, Комсомол ташкилоти эса 1918 йили, коммунистик партия шоҳобчаси сифатида ташкил топган.

Ўзбекистоннинг олдинги президенти Ислом Каримов Комсомолни «сотқинлар уяси» дея атаган, ўз иқтидори даврида озми-кўпми коммунистик ўтмишидан узоқлашишга интилган эди.

Мирзиёев «Камолот» қурултойида, Ўзбекистон Ёшлар иттифоқи ташкил этилган 30 июнни байрам қилиш таклифини ҳам киритди.

Рассом Туз
Eltuz.com