Cатира
18 октябр 2017

Теримчилар пахтага энди поездларда ташилмоқда

Бу йил теримга Ўқитувчи ва шифокорлар поездларда сафарбар қилинмоқда.

Андижон, Наманган, Фарғона вилоятларидан минглаб теримчилар минган поездлар Қорақалпоғистон ва Тошкентга йўл олди.

Сурхондарёдан эса Жиззах ва Хоразмга «уюшмаган аҳоли» таркибидаги теримчилар поезди жўнатилди.

Бу воқеалар ҳукуматнинг мажбурий пахта теримини тугатиш ҳақидаги қароридан сўнг рўй бермоқда.

Ўзбек матбуотининг билдиришича, тунда улар йиғилиш ўтказиб талабаларни қайтаришга буйруқ беришган

Ўзбек матбуоти 21 сентябр кечаси Бош вазир Абдулла Орипов мажлис ўтказиб, талабалар,  ўқитувчилар ва шифокорларни пахтадан қайтаришга буйруқ бергани ҳақида ёзган эди.

Мажбурий меҳнатни тугатиш ҳақидаги бу гаплар яна қоғозда қолди.

Ижтимоий тармоқда, яқин келажакда ҳар бир дала бошига темир йўл келтириши ҳақидаги кинояли писандалар тарқалди.

Қадимдан қолган эски паравоз ҳақидаги ҳазиломуз шеърлар тўқилмоқда.

Қадимдан қолган
Бизнинг паровоз
Пахтазор сари
Айлайди парвоз.

Пахта теришдан
йўқ бошқа тақдир,
Бу юртда фақат
юртбоши ҳақдир.

Куйлар «Фидоий
ёшлар» хушовоз.
Темир йўл узра
Эски паровоз.

Орқада хоким,
Қўлида калтак,
Тиришар токим,
Бўйинда этак,
у сўнгги бекат –
Буюк келажак…

Доктор керакмас,
Муҳандислар ҳам.
Мактаблар ëпиқ,
Заводлар барҳам.

Бошқа йўлинг йўқ,
Далаларга юр…
Юртбошинг билан
Паровозни сур.

Рассом Туз
Eltuz.com

Тағин ўқинг
23 март 2017
Россиялик машҳур хонанда Борис Гребеншиков яқинда қамоқдан чиққан журналист, Муҳаммад Бекжонга мактуб йўллади. Элтуз мухбири билан суҳбатда собиқ сиëсий ...
12 апрел 2023
Салом қадрли муҳлислар. Элтуз порталига келган навбатдаги 5 та шикоятни ўқиб эшиттирамиз. Мактублар Хоразм вилоятининг Шовот, Жиззах вилоятининг дўстлик, ...
19 апрел 2019
“Чегарасиз мухбирлар” (RSF) ташкилоти 2019 йил учун йиллик Матбуот эркинлиги индексини эълон қилди. Бу индексга кўра, Ўзбекистон 180 давлат ...
15 сентябр 2022
Бугун маҳаллаларда темир-терсак йиғиб юрганлар шу йўл билан тирикчилик ўтказаётганлар эмас, балки металлолом топшириш мажбурияти ҳали зимасидан соқит бўлмаган ...
Блоглар
22 ноябр 2024
Қудратлар айрилган тузум, яъни демократия автократиядан яхшидир. Бу гапни айтавериб тилим қаварди. Демократик жамият бўлган ...
28 октябр 2024
(Элтузга телеграм орқали келган мактуб) “Хоразм вилояти Урганч туманлараро суд раиси Ё.А.Алмосов жаноби олийларининг бугунги ...
24 октябр 2024
Бир одам ҳаммага яхшилик қилишга сўз берибди. Қўшниси келиб уни отини сўраб олиб миниб кетганича ...