Cатира
22 ноябр 2017

Мирзиëев сўкма деса ҳам ҳокимлар сўкаверади

Андижон шаҳри ҳокими Дилмурод Раҳматуллаев мактаб директорлари ва ўқитувчиларини «ҳайвон», «шоқол», «эшшак», «гадой», «падарингга лаънат» дея ҳақоратлади.

16 октябрдаги мажлисдан ёзиб олингани айтилган,»Озодлик» радиоси очиқлаган 27 минутлик аудиода Раҳматуллаев пахта теримига кам одам жўнатган эркагу аёл педагогларни тубан сўзлар билан ҳақорат қилади.

Маълум бўлишича, мажлисда шаҳардаги 50 та мактаб, 12 та коллеж, лицей, 70 та боғча раҳбарлари, масжидлар имомлари, тиббиёт ходимлари, милиция ва прокуратура раҳбарлари қатнашган.

“Тупурганман сенларга, эй тварлар! Нафас оладиган ўзингга ўхшаган нечта шоқол бор, эй ифлос?” дейди ҳоким коллеж раҳбарларини бирма-бир турғазиб.

Бу йилги пахта мавсумида ҳокимларнинг сўконғичлиги тенденцияга айланди

1 ноябрда Паркент тумани ҳокими Неъматулла Абдуллаевнинг йиғилишда айтган болахонадор сўкишлари ҳам одамни ваҳимага солади.

45 минутлик аудиода Паркент ҳокими бюджет ташкилотлари раҳбарлари шаънига 120 дан зиёд уят сўз ишлатган.

Бундан олдинрок ижтимоий тармоқда Сайхунобод тумани ҳокими Носиржон Эгамбердиевнинг мактаб директорларини битталаб савалагани тасвирли видео тарқалганди.

15 ноябрдаги селектор йиғилишида Шавкат Мирзиёев раҳбарларнинг «хизмат ваколатини суиистеъмол қилиб, қўл остидагиларга қўпол муносабатда бўлаётгани»ни қоралаб гапирганди.

Бироқ ўзи ҳам қўли остидагиларга қўполлиги билан танилган президент сўзларининг самимийлиги шубҳали. Чунки юқорида номи келтирилган ҳокимлар ҳамон ўз мансабида қолишмоқда. Одамларни ҳақорат қилишгани учун уларга қандайдир жазо берилгани жамоатчиликка маълум эмас.

Рассом Туз
Eltuz.com

Тағин ўқинг
9 август 2023
Бир хил алкашлар ароққа тўйгач, ҳовлидаги сўри ёки айвонда келини, қизи кўзи ўнгида битта юпқа иштонча – трусида ухлайди, ...
15 феврал 2017
Шавкат Мирзиёевнинг ташаббуси билан Тошкентда Афросиёб ва Бешёғоч кўчалари кесишган жойда кўпфункцияли уникал Муз саройи қурилади. Хабар қилинишича, иншоотнинг ...
6 апрел 2018
Президент Шавкат Мирзиёевнинг молия тизими ва тендер «ўйинлар»ини танқид қилгани ортидан Ўзбекистонда очиқ тендер савдолари бекор қилинди ва давлат ...
21 май 2018
Президент Мирзиёев 19-20 май кунлари Андижонда ўтган йиғилишда ДХХ ходимларига уй қуриш ва маошини кўтаришга ваъда берди. «Ҳозир қўл ...
Блоглар
21 апрел 2024
Картинани кеча уйимга олиб келдим. Бир кеча термилиб ётмоқчи эдим. Лекин имкон бўлмади. Доимгидек ҳаёт ...
6 апрел 2024
Бугунги кунда рус пропагандаси фақат рус телеканаллари орқали бериляпти деган одам қаттиқ янглишади, чунки пропаганда ...
28 март 2024
Россия гумондорларини қийнагани ИШИД версиясини йўққа чиқармайди.  Бу ерда бир эски сийқа трюк ишлатилади. Спецслужбада бу ...