Ўзбекистонни 200 доллар ойлик олувчилар бошқармоқда

Ўзбекистон Молия вазирлигининг маълум қилишича, мамлакатда депутатлар ва сенаторлар 1,56 млн сўм (186 доллар), вазирлар 1,727 млн сўм (205 доллар) маош олишади.

Вазир ўринбосари ойлиги эса салгина юқори — 2,076 млн сўм ($ 247). Вилоятлар ҳокимига 1,9 млн сўм ($ 226), туман ва шаҳар ҳокимларига 1,643 млн сўм ($ 195) маош тайинланган.

Раҳбарларнинг бунчалик паст ойлик олиши ижтимоий тармоқда кинояга сабаб бўлди. Кўпчилик мулозимларнинг даромадини реал ҳаётдаги билан таққослашни таклиф қилишмоқда.

«Бу уларнинг нима учун ўғирлик қилишлари, очиқроғи, ўз қариндошларининг ширкатлари фойдасига бегоналарнинг уйларини бузишлари ёки откат олишлари сабабларидан биридир. Уларнинг ҳолатига кириб кўринг: ахир улар ўз обрўларига лойиқ (аксинча ҳурмат қилишмайди) тўйлар қилишлари, болаларини ўстиришлари, уларга уй қуриб беришлари, ўзлари эса хорижда (энг аввало, асабдан) даволанишлари керак. Буниси ҳали минимум. Ҳозирча улар шахсий яхтага давогарлик қилишмайди. Эртами-кечми, бу ҳам бўлади», дея киноя остига олди бу маълумотни Лондондаги Шарқ ва Африка тадқиқотлари институти таҳлилчиси Алишер Илҳомов фейсбук саҳифасида.

Рассом Туз
Eltuz.com