Cатира
25 июн 2019

Салом милтиқ, алвидо болта!

Ўзбекистон Олий Мажлиси Сенатининг «Қурол тўғрисидаги қонун»ни маъқуллаши ортидан тармоқда айни қонун тарафдорлари ва қаршилар ўртасида баҳс қизиди.

«Шахсий қурол олиб юриш, сотилиши ҳақидаги қонунга қаршиман. Отиш қуроллари ҳақидаги қонун жиноятчиликнинг яна ҳам авж олишига олиб келади», дея фикр билдирди фейсбук юзери Нигора Умарова.

«Аниқ бир-бирини отишади энди кўчада, олдин пичоқлагани камдек», дея ёзди Дамир Собиров.

«Жамиятимиз ҳали бунга тайёр эмас. Олдин жамиятимизга инсон ҳақ-ҳуқуқларини, инсон қадр-қимматини ўргатишни тарғиб қилинглар. Натижасини кўриб чиқиб, ана ундан кейин бу қонуни ўртага қўйинглар», дея айни фикрни давом эттирди фарғоналик фейсбук юзери Алим Нишонов.

Сурхондарёлик юзер Рустамбек Тоғаев фикрича, қонун аслида фуқароларга мутлақо қурол сотишни кўзлаган эмас:

«Овчилар ва спортчилар шу пайтгача ўқотар қурол билан муомала қилишар эди, шу янада қатъий назоратга олиняпти. Қолган фуқароларга электрошокер, пневматик ва газли қуроллар ишлатишга рухсат бериляпти. Буларни ҳозир ҳам исталган спорт буюмлари дўконидан сотиб олиш мумкин. Лекин энди бемалол сотиб олишга йўқ, рухсат олиш керак, учётга туриш керак».

Ўзбекистон ТИВ собиқ мулозими, бугун Швейцарияда яшаётган Алишер Таксановнинг фикрича, аксинча, қонун қурол қўлланилиши ва сотилишини тартибга солади.

«Қурол ҳақидаги қонун Ўзбекистонда аллақачон қабул қилиниши керак эди, нима учун шунча пайтгача бунинг кечиктирилганини тушунмайман», дейди Алишер Таксанов.

«Истайсизми-йўқми, мамлакатда жанговор, хизмат, спорт ва ов қуроллари мавжуд. Улар илгари ҳам бор эди. Улар шунчаки идора буйруқлари, йўриқномалари ва бошқа қоғозлар билан расмийлаштирилган. Бироқ қонун йўқ эди…», давом этади Таксанов.

21 июнь куни Сенат маъқуллаган қонун лойиҳасида фуқароларга, давлат хизматчиларига ҳамда ҳарбийларга тегишли қуроллар алоҳида бўлинган.

Фуқароларга мўлжалланган қуроллар ҳам, ўз навбатида, ов, спорт ва ўзини ўзи ҳимоя қилиш қуролларига ажратилган.

Шунингдек, қонун лойиҳасида қуролга эга бўлиш учун йиғиладиган ҳужжатлар рўйхати ва қуролни сақлаш қоидалари акс этган.

Eltuz.com

Тағин ўқинг
3 октябр 2015
Кеча бозорга боргандим дигин, катта ровотни бекитиб Истам исваркачи исварка қип ташапти, катта биноларди тепасига «Барча янтоқ теримига», «Янтоқ ...
27 феврал 2021
26 февраль куни тузилажак «Ҳақиқат ва тараққиёт» социал- демократик партияси ташаббускори, иқтисод фанлари доктори Хидирназар Аллақулов уйидан куч ишлатар ...
19 август 2018
2000 йилнинг октябри охирларида Муҳаммад Бекжонни ИИВ ертўласидаги 14-камерага олиб келишади. Уни Тошкент портлашлари юзасидан судда гувоҳлик беришга «махсус ...
9 ноябр 2021
Ўзбекистон расмийлари мамлакатда афғон қочқинлари борлигини рад этишмоқда. Ҳуқуқ фаоллари эса, ўз навбатида, уларнинг сони юзлаб эканини айтишмоқда. Термиз ...
Блоглар
3 ноябр 2022
1906 йилнинг 3 ноябрида Германиянинг Берлин шаҳрида ўтган Халқаро радиотелеграфия анжуманида SOS сигнали ҳалокатни билдирувчи ...
1 ноябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 11-қисми Турк бирлиги ғояси ва ...
25 октябр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 10-қисмида мухбир ундан ўз ота-боболари ...