Cатира
15 август 2019

Блогерларни изоҳлар фаррошига айлантирманг!

Комил Алламжоновнинг блогерлар постлар остидаги изоҳлар учун ҳам жавобгар бўлиши ҳақидаги баёноти қизғин муҳокама қилинмоқда. Шу муҳокамаларда кўзим тушган энг зўр фикр мана бу бўлди:

“Ундан кўра, Алламжоновнинг ўша баёноти тагида сўкининглар, ўзини айбдор киламиз”.

Биласизми, кимлар очиқ баҳсдан қўрқади? Ўз ғояси тўғрилигига ишонмайдиган одамлар.

Биласизми, ким танқид ёки ҳақорат эшитса, гапирганнинг овозини ўчиришга уринади? Ўзига ишонмайдиган одам.

Шундай экан, ортиқча жазо ўйлаб топадиганлар, “блогингдаги ҳақоратли изоҳ учун ҳам жавобгарсан”, дейдиганлар аслида ўзининг ҳақлигига ишонмайдиган, бировнинг танқидига асосли жавоб беролмайдиган одамлардир.

Очиғини айтсам, ўзбек қонунчилигида бу масалада нима дейилган, ростдан шунақа чоралар назарда тутилганми-йўқми, билмадим. Шунга бир нарса деёлмайман. Лекин жаҳон амалиётида шунга ўхшаган нарса бор. Сизга тегишли каналда, блогда, сайтда кимдир эктремистик фикрлар, ирқчилик, миллатчилик ва ксенофобия руҳидаги изоҳлар қолдирса, уни ўчириш керак. Ҳақорат ва туҳматнинг ҳам жазоси бор, албатта.

Лекин бунинг чегараси қонунчиликда аниқ белгилаб берилиши лозим. Акс ҳолда бирор амалдор ваколатидан фойдаланиб озгина киноя гапни ҳам, масхараомуз изоҳни ҳам ўзича ҳақорат деб баҳолаб юбориши мумкин. Масалан, мен бу постни “Комилжон оға, бугун авжига чиқдингиз”, деб бошламоқчи эдим, у киши ҳазилни ҳам ҳақорат деб баҳоламасинлар, деб қўрқдим.

Келинг, ҳамма ўзи учун жавоб берсин. Блогер – пости учун, ўқувчи – изоҳи учун. Блогерларни изоҳлар қоровулига ва эркинлик цензорига айлантирманг.

Эльдар Асанов,
Телеграмдаги «Асанов формати» блогери

Тағин ўқинг
16 март 2017
Медведевга совға қилинган  муҳташам қаср ҳикояси Навальний ҳисоботи марказидан ўрин олди. Маълум бўлишича, Россия бош вазирига яқинлиги айтилаётган жамғармага ...
31 июл 2018
Ўзбекистондаги “Тоштурма”, Украинадаги “Оболон” турмасидан ҳар бир камерада “лохмач”лари ва “козёллари” борлиги билан фарқ қилади, дея эслайди Муҳаммад Бекжон ...
2 октябр 2017
Биринчи октябрдан банкларнинг нақд доллар сота бошлаши тўғрисидаги хабарлар ўз тасдиғини топмади. “Элтуз” мухбирининг 2 сентябр куни ўрганишича, банклар ...
25 июн 2019
Қашқадарёнинг Чироқчи туманидан Швецияга келиб ишлаётган 35 яшар Ўзбекистон ватандоши Акмалжон Чўлиев 21 июнь куни Стокгольмда вафот этди. “Элтуз” ...
Блоглар
14 август 2019
Ўзбекистон Давлат хавфсизлик хизмати раиси Абдусалом Азизовнинг Покистонга ташрифи ва “Толибон” ҳаракати вакилларининг Тошкентга сафари ...
13 август 2019
Таниқли жаноб Алламжонов раҳбарлик қиладиган Ўзбекистон Президенти маъмурияти ҳузуридги Ахборот ва оммавий коммуникациялар агентлиги тағин ...
1 август 2019
Ўзбекистон ҳам шармандали равишда уйғур қардошларимизга бўлаётган Хитой ҳукумати зулмини қўллаб чиққан 50 та давлат ...