Cатира
24 сентябр 2019

“Троллар”нинг эгаси ким?

Тошкент ахборот технологиялари университети мутасаддилари ташкил этган “троллар фабрикаси” ҳақидаги гап-сўзлар бир неча кундан буён интернетнинг ўзбек сегментида қизғин муҳокама қилинмоқда.

Қизиғи шундаки, муҳокамачилар бу “фабрика”нинг ҳомийси ким экани борасида аниқ фикр айтишдан ўзини тийиб келаётгандек кўринади.

ТАТУ “троллари”ни биринчи бўлиб маҳаллий журналистларнинг ўзлари кашф этгани диққатга сазовор. Зеро, шу пайтгача бундай нозик масалаларни оммага олиб чиқишга журъатлилар деярли йўқ эди.

Масаланинг нозиклиги шундаки, дунё мамлакатларида ҳукуматлар фойдасига ишлайдиган “троллар”нинг эгаси, яъни ҳомийси хавфсизлик хизматлари ҳисобланади.

Шунинг учун ўзбек “троллари”нинг эгаси кимлигини очиқлашда шу жиҳат устунлик қилаётгани уларнинг эгаларини аниқ кўрсатишга тўсиқ бўлаётгандек гўё.

Шарқшунослик институти, Жаҳон тиллари университети каби Тошкент ахборот технологиялари университети ҳам мамлакат хавфсизлик хизматларига кадрлар етказиб берувчи асосий таълим муассасаларидан бири ҳисобланади. Ҳатто университетда ҳарбийлаштирилган факультет ҳам мавжуд.

Шундан келиб чиқиб, ТАТУ “троллари”нинг ҳомийси давлат хавфсизлик хизматлари деб бемалол айтиш мумкин.

Қолаверса, “троллар”нинг ишлаш йўналиши ҳам шундан дарак беради.

Яъни ТАТУ “троллари”га ҳукумат сиёсатини қўллаш мақсадида “Озодлик”, ББС, “Фергана” сайтларига тегишли изоҳлар қолдириш вазифаси юкланган. Бунинг учун уларга 200 доллардан иш ҳақи берилган.  

“Агар лойиҳага ростдан ҳам хориж валютасида нақд пул кўринишида маблағ ажратилаётган бўлса, бунинг ортида ким турибди ва уни ким мунтазам равишда молиялаштириб бормоқда?” дея савол қўйилмоқда.

Бу саволнинг жавоби эса ТАТУ “троллари” олдига қўйилган вазифалардан кўриниб турибди.

Шуларни ҳисобга олиб, турли сайтларнинг изоҳлар қисмида худди Ислом Каримовни илоҳ даражасига кўтарганларнинг услубида ёзилган фикр-мулоҳазаларни ўқиб қолсангиз, билингки, “троллар” ишлаётган бўлиши эҳтимоли юқори.

Яна билингки, “троллар фабрикаси” фақат ТАТУда эмас, бошқа жойларда ҳам тузилганига шубҳа йўқ. 

“Элтуз” ҳамкори
eltuz.com

Тағин ўқинг
29 январ 2019
Ватанидаги янги ҳукуматнинг “очиқ эшиклар” ташвиқотига мафтун бўлиб, тезроқ мамлакатини зиёрат қилишга шошилаётган экспатлар (муҳожирлар – eltuz) бунинг оқибатини ...
24 август 2018
Ўзбекистонда шу ҳафта энг кўп пичоқбозлик Қурбон ҳайити кунига тўғри келди.  Шу куни, 21 августда Тошкент вилоятининг Янгийўл туманида ...
18 май 2020
Россия Ташқи ишлар вазирлиги мулозимаси Мария Захарова «расмий идораларда ўзбек тилининг мажбурий қилинишини камчилик ёқлаётгани»ни ëзғиргани ортидан тармоқдаги мўътадил ...
3 сентябр 2018
2 сентябрь куни милиция бўлимига чақирилган тошкентлик интерьер дизайнер ва блогер, 41 ёшли Миразиз Аҳмедов уйидан чиқиб кетганича ҳануз ...
Блоглар
22 октябр 2020
Миллий ишлаб чиқаришни ривожлантириш деган баҳона, ниқоб ёрдамида монополларимиз қонимизни сўриб ётибди. Ташқаридан истеъмол моллари ...
20 октябр 2020
Бундан ўн йил илгари пойтахдаги ўртача иккита амалдор тушликка бир миллионга яқин пул сарфлашини эшитиб ...
15 октябр 2020
Ўнта роман ёзай, элликта шеърий тўпламим нашр этилсин, ёзганларим дунёнинг барча йирик тилларига таржима қилинсин, ...