Рассом Туз: Мирзиёев Тошкентни мегашаҳарга айлантирмоқчи

Мирзиёев «Тошкентни 8 миллион киши яшайдиган мегашахарга айлантираман» деди. Нега?

Тирбандлик, мошн мўрисидан чиққан тутун ва бошқа юзлаб омиллар ортидан гигант шахарлар модадан чиқаятган кичик эко смарт шаҳарлар трендга кираëтган пайтда бу демода гап қағдан чиқди?

Гаяна маслаҳат бердими? Ë Алижон дўмла қумалоққа қараб пол очдими? Ëки Ариповнинг хитой мушовирлари шипшидими?

Москва катта шаҳар, қолган жой бомжятник деган схема ўткан асрда СССРга қўшилиб йўқ бўлиши керак эди.

Катта шахарлар худди мияси кичик, аммо гавдаси улкан динозавр каби йўқолиб кетишга маҳкум.

Испанияда пойтахт Мадриддан кўра Билбаао, Малага ëки Барселона ривожланган. Германия ҳам бир текис ривожланган фаровон шаҳарлардан иборат.

Келажак кичик шахарларники. Пиëда ëки электр скутерда юрасиз. Мактаб, касалхона, аптека, музей каби бинолар бир қадам. Банк ва ҳокимият тизими фақат онлайнда хизмат беради.

Хуллас, Тошкентни динозаврга айлантириш туфта идея. Фақат бир нарса мени овунтиради. Ўзбекистонда ҳеч бир ғоя охиригача олиб борилмайди. Товуқ¸ лимон ва қалампир экиш васвасаси каби.

Тўйтепани смарт шаҳар қиламиз деганда қарғалар кулувди. Тўйтепани номидан нишон ҳам йўқ.

Тошкентни семиртириш 2045 йилгача амалга ошаркан. Унгача ë эшак ëки пошшо ўлиши тайин.

Мендан сўрасангиз. Тошкентни ўз холида қолдиринг. Самарқанд билан Бухоро орасидаги чўл зонасида худди Дубай каби янги шахарлар яратинг. Пойтахтни Самарқандга кўчиринг.

Рассом Туз саҳифасидан