Cатира
4 апрел 2018

Болаларни урган тарбиячи ва уч мулозим ишдан кетди

Боғчадаги болаларни ургани видеоси тарқалган, Жиззах шаҳрининг «Наврўз» номли 39-боғча тарбиячиси 37 яшар Моҳира Маматқулова ишдан бўшатилди. Уч нафар шаҳар таълим бўлими ходимлари ишдан олинди, Маматқулованинг иши прокуратурага оширилди.

Ижтимоий тармоқлар, жумладан «Элтуз» нашри 30-март куни Маматқулованинг боғча болаларини қизил дафтар билан ураётгани видеосини очиқлаган эди.

Воқеа, «Элтуз» нашрига маълум бўлишича, 27 март куни президент Мирзиёевнинг Жиззах вилоятига сафари арафасида содир бўлган. Шу боғчада практика ўтаётган, Жиззах пединиститути 1-курс талабаси воқеани тасвирга олиб ижтимоий тармоққа тарқатган.

Ўзбекистон Мактабгача таълим вазирлиги видеодаги боғчани аниқлаш учун тезкор текширув ўтказган.

Вазирлик матбуот хизмати хабарига кўра, айни пайтда Маматқулованинг иши прокуратурага оширилган. Шунингдек, боғчанинг уч нафар мулозими ишдан бўшатилган.

Бундан ташқари, Жиззах шаҳар мактабгача таълим бўлими бошлиғи Фахриддин Қодиров ҳам лавозимидан олинган.

Ўзбекистондаги таълим-тарбия муассасаларидаги болаларга нисбатан шафқатсиз муносабат акс этган бу каби видеолар илгари ҳам тарқалганди.

Масалан, 2017 йилнинг 2 мартида сурхондарёлик «тарбиячи аёл»нинг ёш болаларга ўқталиб таҳдид қилгани видеоси тарқалган эди.

Ўша йилнинг 16 мартида пайдо бўлган бошқа бир видеода эса фарғоналик бошланғич синф ўқитувчисининг болаларни ўқув қуроли билан уриб, ҳақоратлаётгани акс этганди.

«Элтуз» илгари маълум қилганидек бу холатлар бўйича чора кўрилган, болаларни «пичоқ» билан қўрқитган сурхондарёлик тарбиячи аёлга жиноий қўзғатилган. Бошланғич синф ўқувчиларини китоб билан урган фарғоналик муаллима ишдан ҳайдалган.

Воқеалардан кўп ўтмай, 2017 йилнинг 30 сентябрида президент Шавкат Мирзиёев ҳатто Мактабгача таълим вазирлигини тузиш ҳақида алоҳида фармонни ҳам имзолаганди.

Фармонга кўра, бу вазирлик мактабгача таълим соҳасида соғлом муҳит яратиши ва мавжуд муаммоларни бартараф қилиши керак.

Eltuz.com

Тағин ўқинг
27 апрел 2022
Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси Комил Алламжонов Женевада бўлиб ўтган тадбирдаги чиқишида Каримов даврида ...
21 сентябр 2022
Ўзбекистондаги кўплаб фермер хўжаликлари кластерлар пахта ва бошоқли дон харид қилиш бўйича фьючерс шартномалар нусхасини ҳалигача ўзларига бермаётганидан норозилик ...
1 март 2016
24 февраль куни Наманганда “Интернетдаги таҳдидлардан ҳимоя” китобининг тақдимоти ўтказилди. Тақдимотда Ўзбекистон мусулмонлари идораси раиси маслаҳатчиси Хайрулла Турматов, Ўзбекистон ...
18 январ 2018
18 январь куни Самара-Чимкент автойўлида ёниб кетган эски «Икарус» автобусида 52 нафар ўзбекистонликнинг ҳалок бўлиши ижтимоий тармоқнинг ўзбек сегментида ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...