Ўзбек аëли калиш ичида 5000 қути сигаретни Туркияга олиб киришга уринди

Истанбулдаги Отатурк аэропортига Тошкентдан учиб келган ўрта ëшдаги ўранган ўзбек аëли 5000 қути сигаретани яширинча ўтказмоқчи бўлганида божгирлар қўлига тушди.

Ўзбек аëлининг шунча сигаретани ўз багажига яширгани контрабанда молларга ўрганиб қолган тажрибали турк божгирларини ҳам ҳайратга солди.

Турк полициячиларидан баъзилари сигарета моҳирона яширилганидан завқланиб кулишди. Сигареталар ўзбек ватандошларининг севимли оëқ кийими бўлган калишлар ичига бекитилган эди. Бундан ташқари, сут бидонлари, термос ва конфет қутиларининг ичига ҳам сигаретлар яширилган эди.

Катта қилиб ëпилган самарқандча нонларнинг ораси ҳам сигаретлар билан тўла эди.

Турк полициялари ўзбек аëлидан мусодара қилган сигареталарни тахлаб, улкан девор ясашди.

Турк полиция ходимининг «Элтуз» мухбирига айтишича, контрабанда сигареталарнинг Ўзбекистондан келиши тўхтамаяпти.

“Кимдир Тошкентдаги божхона ҳодимлари билан тил бириктириб, сигарет контрабандасини конвейер услубида ташкил қилган“, дейди Отатурк аэропортида «Элтуз» мухбири гаплашган полиция ҳодими.

Eltuz.com