Асосий мавзулар
26 сентябр 2018

Видео: Рауф Парфи юбилейи чойхонада нишонланди

Бир гуруҳ ўзбек зиёлилари 25 сентябрь куни марҳум ўзбек шоири Рауф Парфининг 75 йиллик юбилейини ўтказиш учун Тошкентдаги «Шош» чойхонасига йиғилишди.

Соат 16.00 да бошланган тадбирда 30-35 нафар шахс қатнашди. Даврани шоир Усмон Азим олиб борди. Тадбирнинг иккинчи қисми мушоира шаклида ўтди. Мушоирага шоир Жавлон Жовли мезбонлик қилди.

Тадбирда ёзувчи Нурилла Отахонов, Набижон Боқий, шоир Шукур Қурбон, Зариф Султоний, блогер Бобомурод Абдулла, адабиётшунос олим Қозоқбой Йўлдошев, Бахтиёр Исабеков, шунингдек, Рауф Парфининг яқин қариндошлари, аёллари, қизлари иштирок этди, дея хабар берди тадбирда иштирок этган «Элтуз» мухбири.

Шунингдек, «Элтуз» мухбирига маълум бўлишича, белгиланган тадбир бирин-кетин икки марта тақиқланганидан сўнг ташкилотчилар йиғилиш жойини тармоқда очиқламасликка, бир-бирларига бу ҳақда телефонда билдиришга келишишган.

Рауф Парфи туғилган кунга бағишланган анжуман аввалига Алишер Навоий номидаги миллий кутубхона, кейин эса Ойбек номидаги уй музейи томонидан бекор қилинган эди.

Давлат муассасалари томонидан тадбирнинг тақиқланиши ортидан 20 сентябр куни Рауф Парфи издошлари тармоқда #parfiyamaniya хештеги остида акция бошлашганди.

Eltuz.com

Тағин ўқинг
3 ноябр 2017
1 ноябрь куни АҚШ президенти Дональд Трамп грин-карт лотереясини бекор қилишга чақирди. Нью-Йоркда террорчилик ҳужумини амалга оширган Ўзбекистон ватандоши ...
6 июн 2021
1922 йилнинг 6 июнида Халқ комиссарлари кенгаши декретига кўра, Адабиёт ва нашриёт ишлари бўйича бош бошқарма (Главлит) ташкил этилди. ...
28 апрел 2020
Нацистлар Германияси иттифоқчиси, янги Рим империясини қуриш ғоясини илгари сурган Европанинг сўнгги диктаторларидан бири, дуче (доҳий) Бенито Муссолинининг ўлими ...
18 сентябр 2017
Мамлакатимизда ўзгаришлар бошлангандан сўнг матбуотда «нима қилсак мамлакатимиз юксалади» мазмунидаги кўплаб мақолалар чоп этилди, этилмоқда. Буларнинг баъзисини ўқиб кулгингиз ...
Блоглар
25 май 2021
Ўзбекистонда яқинда ўтказилган сўровнома респондентларнинг 10 фоиздан кўпроғи оиладаги зўравонликка қарши эмаслигини кўрсатди. Бу мамлакатдаги гендер муносабатлардаги ташвишга соладиган ҳолатдир. Бу ҳақда Eurasianet нашри ёзди. 15 май куни БМТнинг ...
19 май 2021
Тошкент шаҳрида бунёд этилган “Ғалаба боғи” ёдгорлик мажмуасида ҳарбий хизматни ўтаётган оддий аскарлар 9 май ...
18 май 2021
1914 йилнинг 18 майи дея тарих ëзилган бу сурат марказида турган Абдуллабекнинг эвараси, шу кунларда ...