Халқаро жиноятчилар рўйхатидаги Ғафур Раҳимов АIBA президенти бўлди

Халқаро Олимпия қўмитаси норозилигига қарамай, 3 ноябрь кунги мажлисида АIBA – Халқаро ҳаваскор боксчилар уюшмаси 66 яшар Ғафур Раҳимовни президентликка тасдиқлади.

АҚШ Молия вазирлиги рўйхатига «жиноий синдикат» раҳбарларидан бири сифатида киритилган ўзбекистонлик Ғафур Раҳимов сайловдаги рақиби, уюшма вице президенти Серик Қўноқбоевдан кўпроқ овоз қозониб, AIBA президенти бўлди.

Расмий хабарларга кўра, AIBAнинг Москвада ўтган конгрессида 137 делегатдан 86 таси Раҳимовга, 48 таси Қўноқбоевга овоз берган.

Сайловдан олдин Ғафур Раҳимов жиноят оламига алоқаси йўқлигини исботлашга уриниб, АҚШнинг Around the Rings нашрига берган интервьюсида ўзига қарши «айбловларни  Гулнора Каримова ва унинг гуруҳи» тарқатгани ҳақида билдирган эди.

Eltuz.com