Асосий мавзулар
6 феврал 2019

Швед сиёсатчилари Мирзиёевга ишонч билдиришди

Швециядаги SILK – Швед халқаро либераллар маркази 5 февраль куни ўзбек жамоатчилиги, швед дипломатлари, ҳуқуқ фаоллари ва сиёсатчилари иштирокида «Ўзбекистон қайси йўлдан кетмоқда?» мавзуида давра суҳбати уюштирди.

Швед либерал партияси фаоли Оса Нилссоннинг «Элтуз» мухбирига билдиришича, у Ўзбекистон президенти Мирзиёевни ислоҳотлар қилиш иштиёқидаги инсон сифатида кўрмоқда.

«Бироқ бунинг учун мухолифат партияларига, ўзгаришларга вақтида жавоб оладиган жамиятга эҳтиёж бор. Биз бу жараённи кузатиб борамиз», дейди швед сиёсатчиси.

Ўзбекистонда Швециянинг элчихонаси йўқ. Дипломатик алоқалар икки давлат элчиларнинг борди-келдисига асосланган. Яқинда Ўзбекистонда бўлиб қайтган элчи Ингрид Терсман (Ingrid Tersman) ҳам «Элтуз» мухбирига берган интервьюсида Ўзбекистонда ижобий ўзгаришларга умид борлигини билдирди.

Швед дипломатининг сўзларига кўра, Ўзбекистондаги муаммолар кўпроқ унга қўшни давлатларнинг манфаатларида кўзга ташланади:

«Албатта, Ўзбекистоннинг қўшни давлатлар билан чегаралари ва ўзаро муносабатлари бор. Жанубда Афғонистон билан чегарадош ва айни сабабларга кўра, Россиянинг манфаатлари ва тарихий боғлиқлиги мавжуд. Бундан ташқари, Хитой ўзининг тарихий жўғрофияси ва катта инвестициялари билан кириб келаётгани кўзга ташланади».

Тадбир иштирокчиси, ўзбекистонлик фаол Пўлат Охуновнинг фикрича, умумий хулоса Ўзбекистон ижобий йўлдан кетяпти, деган мазмунда бўлди.

«Лекин бу умумий хулоса. Ҳар бир соҳа – инсон ҳуқуқлари, ахборот воситалари эркинлиги, сиёсий, иқтисодий эркинликлар бўйича, ҳаммасида муаммолар бор. Шу муаммоларни гапирдик», деди Охунов «Элтуз»га берган интервьюсида.

Бироқ шведларда Ўзбекистондаги ўзгаришлар салбий йўналишда давом этишидан жиддий хавотир бор. Диний экстремизмда айбланган ўзбеклар устидан Швецияда давом этаётган судлар, мамлакатга Ўзбекистондан нолегал қочқинлар оқимининг кучайгани айни хавотирларга асос бўлмоқда.

Eltuz.com

Тағин ўқинг
14 январ 2019
Қуйидаги мақолада келтирилган маълумотлар Давлат ҳавфсизлик хизмати таркибида ишлайдиган шахсдан келиб тушди. Ўзбекистон каби ёпиқ мамлакатда давлат органлари кўп ...
29 март 2017
Президент Мирзиёевнинг 7 мартдан кучга кирган қарори ортидан дори дармон тақчиллашуви билан боғлиқ жиддий муаммолар келиб чиқмоқда. Андижон шаҳридаги ...
24 ноябр 2016
23 ноябр куни Алишер Навоийнинг 575 йиллигига бағишланган адабий мусиқий кечада сўз берилган ҳофиз гапиришга қўрқишини билдирди. Мусиқий кеча ...
13 ноябр 2017
Қозоғистоннинг Сайрам туманида яшовчи 34 ёшли Хайрулла Норметов «ўрис динига кириб кетгани учун» хотинининг қорнига пичоқ тиққанини иддао қилиб, ...
Блоглар
12 феврал 2019
Алишер Навоийнинг навбатдаги юбилейини эсон-омон ўтказиб олдик. У аллақачон ўзбек миллатининг, ўзбек тарихи ва маданиятининг ...
10 феврал 2019
Ўзбек жамиятидаги муҳофазакор қатламнинг турк сериалларига қарши «жиҳоди»нинг ажабланадиган жойи йўқ. Аслида бу масаланинг илдизи ...
5 феврал 2019
Бир вақтлар қадимий Рим салтанатининг тарғибот-ташвиқотчилари сифатида воизлар ва файласуфлар империянинг равнақ топишида катта ҳисса ...