Асосий мавзулар
20 ноябр 2019

Чироқчида яна бир айиқ ўлдирилди

Қашқадарë вилоятининг Чироқчи туманидаги Бешчашма қишлоғида ИЖ русумли ов милтиғи билан қўнғир айиқ отиб ўлдирилди. «Элтуз»га юборилган видеода «Қизил китоб»га кирган ноëб қўнғир айиқнинг нимталаниб, теридан чиқарилаëтгани акс этади.

Айиқни нимталаëтган одамнинг исми маҳаллий бозор раҳбари Сайдулла Ботиров экани иддао қилинди. Видеодаги ҳолат қачон бўлгани ҳақида эса «Элтуз»да маълумот йўқ.

Бундан олдин Чироқчи тумани Лангар маҳалла фуқаролар йиғинига қарашли Тутли қишлоғи турғуни Қаҳрамон Сулаймонов ҳам ИЖ-17 русумли милтиқнинг 16-калибрли ўқи билан айни турга кирувчи ёввойи айиқни отиб ўлдирган эди.

Йил бошидан бери Ўзбекистонда учта айиқ ўлдирилгани «Элтуз»га маълум.

Наманган вилоятининг Чуст тумани Ғова қишлоғида 14 октябрь куни вазни 300 килоли қўнғир айиқ отиб ўлдирилди.

Ғова қишлоғида ўлдирилган айиқ Ўзбекистон бўйлаб бор-йўғи 250 тача бўлган, мамлакат «Қизил китоби»га киритилган қўнғир айиқларнинг (лотинча Ursus arctos isabellinus) бири эди.

Ўзбекистонлик криминал авторитет Салим Абдувалиевнинг уйида унинг ўзи отиб ўлдиргани айтилган иккита қўнғир айиқ ичига сомон тиқилиб тургани акс этган видеони «Элтуз» ўтган ой ëйинлаган эди.

Ҳайвонларга шафқатсиз муносабат ҳолатлари ҳақида матбуотда кунора хабарлар пайдо бўлмоқда. Ўтган ойда Тошкентда тирик итнинг бошига бензин сепиб ëқиб юборишган эди.

Тошкент шаҳри ИИББ итнинг устига бензин сепиб ёқиб юборган ватандошлар шахсини аниқлаш билан шуғулланмоқда.

Термиз шаҳри ҳокимлиги 2019 йилнинг 25 октябрь куни маҳаллий матбуотда чиқиш қилиб, дайди ҳайвонларга қарши кураш бошлаганини айтди.

Термиз шаҳри ободонлаштириш бошқармасининг дайди ҳайвонларни ушлаш ва йўқотиш бўлими томонидан жорий йилнинг ўтган 10 ойи мобайнида 672 та қаровсиз дайди ҳайвон ўлдирилган.

Аввалроқ Бухорода 10 мингга яқин дайди ва қаровсиз ит-мушук йўқ қилингани тармоқдаги ҳайвонсеварларнинг ғазабли муҳокамасига сабаб бўлган эди.

Eltuz.com

eltuz.com
Тағин ўқинг
11 март 2021
11 март куни жиноят ишлари бўйича Музработ тумани судида блогер Отабек Сатторий устидан суд бошланди. Сатторий товламачилик, туҳмат ва ...
24 декабр 2015
Eltuz Мамадали Маҳмудов билан журналист Малохат Эшонқулова қилган видеосуҳбатнинг Иккинчи қисмини эътиборингизга ҳавола қилади. Кеча 23 декабр куни Мамадали ...
13 декабр 2017
12 декабрь куни Халқаро меҳнат ташкилоти (ХМТ) Ўзбекистонда ҳукуматнинг мажбурий меҳнатни тугатиш чораларини кўргани ҳақида баёнот берди. ХМТ сайтидаги ...
27 октябр 2020
Тўқсонинчи йилларда талаба эдим. Данғаралик таниқли журналист Шокирали Нуралиев: «Капитализм ҳуқуқсиз, ёлланма ишчиларни эзиб ишлатишдир. Майли, СССР қулади, коммунизм ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...