Халқ ШҲТ учун президентга миннатдорлик билдиряптми?

Ўзбек нашрларида чоп этилган ушбу экспресс-сўров натижаларига кўра, «Ўзбекистон аҳолиси ШҲТ давлат раҳбарлари кенгашининг юбилей саммити мамлакатимиз пойтахтида ўтказилаётгани билан фахрланади».

Энг асосийси, «мамлакатимиз аҳолиси президентимиз томонидан ШҲТ фаолиятининг барча йўналишлари бўйича илгари сурилган ташаббусларни юксак баҳолайди».

Аммо сўров ташкилотчилари оддий аҳоли президентнинг бирор ташаббусини эслай оладими ёки бу ҳақда тасаввурга эгами, деган саволга негадир жавоб бермаган.

ШҲТ саммити арафасида «Тошкентнинг ташқи қиёфасида рўй бераётган ўзгаришлар сизга ёқдими?» деган саволга сўров қатнашчиларининг 81,5 фоизи ижобий жавоб берибди.

Қизиқ, бу саволга саммитга тайёргарлик баҳонасида дўконлари, уйлари бузилган фуқаролар, тирикчилик баҳонасида пойтахтга келиб, пропискаси йўқлиги учун милиция ходимлари томонидан қувғинга учраётган, таланаётган кишилар қандай жавоб берган экан?

Eltuz.com