Асосий мавзулар
7 феврал 2020

Шинжон коронавирус чангалида

Хитой ҳукумати 5‏ февралгача Шинжон-Уйғур мухтор туманида «Ухань вируси»га чалинганлар сони 32 кишига етганини эълон қилди.

Мухтор туман Соғлиқни сақлаш қўмитасининг билдиришича, коронавирус билан хасталанганларнинг 25 нафари Уйғур мухтор туманида, 7 нафари эса Бинтуанда аниқланган. 

Лекин кузатувчилар касалликни юқтирганлар сони бундан анча кўп бўлиши мумкинлигини айтмоқда. 

Маҳаллий ҳукумат вирус тарқалишига оид маълумотларни “давлат сири” сифатида очиқламаётгани сабабли ҳақиқий вазиятни билиш қийин кечмоқда. 

Гарчи «Ухань вируси» кенг қулоч ёзган, оммавий таҳдидга айланган бўлса ҳам Шинжон-Уйғур мухтор тумани мулозимлари Хитой ҳукуматининг кучли босими туфайли шу пайтгача Ухань билан ҳаво, темир йўл ва автомобиль транспорти қатновини чеклашга интилмаяпди.

Баъзи кузатувчилар бу уханлик минглаб хитойларнинг Шинжон-Уйғур мухтор туманига оқиб кириб, вирус тарқатишнинг яширин манбасига айланишига йўл қўйилаётганини англатишини таъкидламоқда. 

Шинжон-Уйғур мухтор тумани Соғлиқни сақлаш қўмитаси ҳисоботига кўра, 5 февраль куни туманда яна 3 киши коронавирус юқтиргани аниқланган ва шу тариқа беморлар сони 32 нафарга етган. 

Коронавирусга чалинганларнинг 12 нафари Урумчида, 7 нафари Или вилоятида, 1 нафари Турфонда, 1 нафари Оқсуда, 4 нафари Ҳарбий район 7‏-дивизиясида, 2 нафари Ҳарбий район 8‏-дивизиясида, 6 нафари Ҳарбий район 9‏-дивизиясида кузатилган. Уларнинг 8 нафари оғир аҳволда.

Хитой Соғлиқни сақлаш қўмитаси 5 февраль эълон қилган ҳисоботда  5 февралгача мамлакатда мазкур вирусдан вафот этганлар сони 430 кишига етгани, беморлар сони эса 20 мингдан ошгани айтилади.

«Нью-Йорк таймс» газетасининг 3 февралдаги сонида ёзилишича, Хитойда коронавирусга чалинганлар ва вафот этганлар сони 2003‏ йилда тарқалган сарс вирусидан вафот этган ва хасталикни юқтирганлар сонидан анча ошиб кетган.

Eltuz мухбири

Тағин ўқинг
25 март 2021
(Муҳаммад Солиҳ аудиокитобининг давоми) Агар ҳайкалтарош узоқни кўра оладиган санъаткор бўлса, у яратган ҳайкаллар ҳам узоқ-узоқларга қараб туради. Бордию ...
18 октябр 2022
Қашқадарё вилоят Нишон тумани Халқ таълими бўлимига қарашли мактаб ўқувчилари шанба якшанба кунлари пахта теримига чиқарилди. «Таълим сифатининг йўқлигига ...
16 май 2017
«Оила ва жамият» газетаси (10.05) мобил алоқа компаниялари «хизматларининг миллий маънавиятимизга таҳдиди» ҳақида бонг урди. Унда мобил алоқа операторлари ...
30 апрел 2019
Президентнинг тўнғич қизи Саида Мирзиёева 15 апрель куни Ахборот ва оммавий коммуникация агентлиги раҳбари ўринбосари этиб тайинлангани ортидан матбуотда ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...