Асосий мавзулар
23 сентябр 2020

Коррупция сабаб мактаб директори ўзини осди

Қашқадарё вилоятининг Китоб туманидаги 13-мактаб директори, 47 яшар Нурбек Турдиевнинг жасади 31 август куни мактаб ҳожатхонасида осиғлиқ ҳолда топилди. Ҳожатхонада арқон сиртмоққа осилган жасадни иккита ёш бола кўриб қолган ва катталарга хабар берган.

Воқеа гувоҳларининг Nasaf-news ТВ каналига билдиришича, марҳумнинг яқинлари унинг ўлимида Китоб тумани халқ таълими бўлими мудири Авлоқул Авлаевни айбламоқда. 

Марҳумнинг яқинлари иддао қилишича, мактаб директори бўйнидаги 1500 доллар қарзини тўлай олмаганидан қийналиб ўзини осган. Улар бу пулни мактаб директори туман халқ таълими бўлими раҳбарларига пора сифатида беришга мажбур бўлганини билдиришган.

Марҳум ўлимидан олдин бир нечта хат қолдирган. Уларнинг бирида ҳамкасбларини ҳар қандай шароитда коррупцияга йўл қўймасликка чақирган.

«Мактабда ўтирган «тўнкалар» ҳам қимирласин. Кимлигини билдингиз. Ўшаларга яратгандан инсоф тилаб қоламан. Халқнинг боласининг кўзини ўймасин. Сизлардан ҳам илтимос», дея ёзган директор ўзининг ўлим олдидан ҳамкасбларига қолдирган сўнгги хатида.

Мактаб директорининг ўлими олдидан қолдирган хати

Мактаб қоровули Ҳусниддин Эргашев хатни директор ўз қўли билан ёзганлигини тасдиқлайди. Шунингдек, Турдиев ўз жонига қасд қилган куни мактаб қоровулидан туман халқ таълими кадрлар бўлимига аризасини элтиб беришни сўраган.

Ҳусниддин Эргашев (мактаб қоровули): Эрталаб келувдим. У менга «сизга иш бор, манови хатни оласизда районо кадрлар бўлимига элтиб берасиз», деди….

Воқеа юзасидан марҳумнинг яқинлари ва ҳамқишлоқлари 2020 йил 8 сентябрь куни Китоб тумани прокуратурасига мурожаат қилиб, Турдиевнинг ўз жонига қасд қилишига сабабчи бўлганларга нисбатан қонуний чора кўришни сўрашган.

Барно Турдиева (марҳумнинг опаси): «Менга у, опа халқ таълими мудири Авлаевга 1 ярим минг доллар берганман, мактабдан бўшасам шу пулни қайтариб берармикин, деган. Мен унга, ким сенга пул олганман деб айтади, мактабдан бўшама, деб айтдим. Россия очилса, кейин мактабдан бўшайсан, бориб ишлаб келасан, қарзларингни тўлайсан, дедим…».

Прокуратура хабарига кўра, туман халқ таълими бўлими, ИИБ, маҳалла ва оилани қўллаб-қувватлаш бўлими ходимлари ҳаракатига нисбатан хизмат текширувлари тайинланган.

Eltuz.com

Тағин ўқинг
27 ноябр 2017
Тошкентда ашаддий қиш бошланишидан дарак берувчи давомли ёмғир нарх-наво кескин ошишига ишорат ўлароқ ёғмоқда. Ўтган якшанбада Тошкент бозорларида нарх-наво ...
26 март 2020
Коронавирус нима?  Вирусларнинг кенг тарқалган оиласини ташкил этувчи коронавируслар одам ва ҳайвонларда касаллик қўзғатиши исботланган хусусиятларга эга. Қатор коронавируслар ...
10 феврал 2020
Ўзбекистоннинг туризмни иқтисодиётнинг энг муҳим тармоқларидан бирига айлантириш сиёсати қўшни давлатларда ҳам сайёҳлар сони тобора ортиб боришига сабаб бўлмоқда. ...
19 сентябр 2016
«XXI аср» газетаси (17.09.2016) Тадбиркорлар ва ишбилармонлар ҳаракати – Ўзбекистон либерал демократик партиясидан бўлажак давлат раҳбари сайловига вақтинчалик президент ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...