Асосий мавзулар
3 феврал 2021

Сурхондарёда танқидчи блогер Отабек Сатторий ҳибсга олинди

Жорий йилнинг 30 январь куни Термиз шаҳрида Сурхондарё вилояти Ички ишлар бошқармаси тергов бўлими ходимлари томонидан ютубдаги «Халқ фикри» канали асосчиси, 42 ёшли блогер Отабек Сатторий ҳибсга олинди. 

Сурхондарё вилояти ИИБ катта терговчиси Х.Хушбоқов имзолаган тинтув ўтказиш қарорига кўра, «фуқаро Тўраев Лочин Алиёрович аризаси юзасидан 30.01.21 йилда вилоят ИИБ ходимлари томонидан ўтказилган тезкор тадбирда Термиз шаҳрида яшовчи Отабек Сатторий фуқаро Тўраев Лочиндан товламачилик йўли билан кимёвий ишлов берилган, нархи 5.040.000 сўмлик битта “Vivo-X50” русумли қўл телефони олган вақтида тадбир иштирокчилари томонидан ашёвий далил билан ушланган». 

«Фуқаро Сатторий Отабек устидан Жиноят кодекси 165-моддаси 1-қисми билан жиноят иши қўзғатилиб, тергов ҳаракатлари олиб борилмоқда», дейилади Сурхондарё вилояти ИИБ хабарида.

«Ўғлимиз тўрт кундан бери қамоқда қолмоқда. Ҳозирги аҳволи ҳақида ҳеч нарса билмаймиз», деди Отабекнинг 3 январь куни «Элтуз» суҳбатлашган отаси Абдуманнон Сатторий.

Блогернинг яқинлари «Элтуз»га жўнатган видеода блогернинг ҳибсга олиниши жараёни акс этган. Видеода дарвоза олдида тўхтаган машинадан блогернинг тушаётгани, шу заҳоти иккита оқ машина етиб келгани, унда фуқаролик кийимидаги шахслар тушиб келгани акс этган.

Уларнинг иккитаси блогерни ушлаб, ўз машинасига ўтқазади. Орадан икки дақиқа ўтгач, машина ушланган Отабек билан бирга жўнаб кетади.

Отабек Сатторийнинг отаси, 69 ёшли Абдуманнон Сатторий «Элтуз»га воқеа тафсилотларини гапириб берди:

«Бу телефонни аслида Шеробод ҳокими юборган. Бу совғани юборгани сабаби, Отабек Сатторий яна бир блогер Фарҳоджон Исмоилов билан «Ўзбекистон президенти буйруғига асосан, туман ва шаҳарларда қишки-кузги мавсумга атаб ярмаркалар ташкил этилишига бағишланган тадбир»ни ўрганиш учун Шеробод туманига боришган.

У ерда бозорқўмнинг одамлари «Нимага рухсатсиз бу ерга келдиларингиз, расталардаги маҳсулотларни рухсатсиз суратга олаяпсизлар», деб Отабекни уриб, курткасини йиртишган, телефонини синдириб ташлашган…».

Блогернинг отасига кўра, шундан кейин Шеробод ҳокимлигидан қўнғироқлар бўлган, синган телефони ўрнига янги телефон олиб беришни ваъда қилишган.

30 январь куни Отабек (блогернинг отасига номаълум шахслар) олиб келган қоғоз пакетга ўроғлиқ телефонни олаётган пайтида ҳибсга олинган.

Блогернинг яқинларига кўра, шу куни иккита холис ва бир қанча ички ишлар ходимлари иштирокида унинг уйида тинтув ўтказилган, блогернинг компьютери, бешта флеш карта ва унга тегишли бошқа буюмлар мусодара қилинган. 

Отабек Сатторий 2013 йили очилган «Халқ фикри» ютуб канали муаллифи сифатида Сурхондарё аҳолиси муаммоларини ёритиб келади.

«Халқим учун курашиб, унинг дуосини олиб яшашга нималар етсин! Ҳар ким ҳам дуо учун ишлай олмайди, ДУХ етмайди», деб ёзилган унинг канали тавсифида.

Айни мақола нашрга тайёрланаётган 3 февраль куни тушдан кейин «Элтуз»га суд ушбу ҳолат бўйича аллақачон ажрим чиқаргани маълум бўлди.

Судга раиси Й.Йўлдошев 1 февраль куни чиқарган ажримда «айбланувчи Отабек Сатторийга эҳтиёт чораси сифатида» қамоқ белгилангани ва у Термиз шаҳри 9-тергов ҳибсхонасида қолиши ёзилган.  

Eltuz.com

Тағин ўқинг
1 феврал 2016
Режиссер Саид Мухторов, “Хиёнат гирдоби” фильми туфайли анча обрў топди, матбуот назарига тушди. Чунки, фильм триллер жанрида бўлиб, ўзбек ...
23 апрел 2021
Термизлик блогер Отабек Сатторийнинг адвокати Умид Давлатовнинг айтишича, 2021 йил 19 мартда журналистларга интервью бераётган вақтида унга нисбатан шантаж қилишга ...
10 сентябр 2018
Кескин қарашлари билан ижтимоий тармоқда танилган жиззахлик тадқиқотчи Рафаэл Сатторов «Элтуз» мухбири билан суҳбатда Ўзбекистондаги тузумни «архаик неофеодал жамият», ...
9 июн 2016
Ўзбекистонда энг «беозор» мавзу ҳисобланадиган ҳисобланадиган спорт хабарларини ёритувчи оммавий ахборот воситалари ҳам бирин кетин тақиққа учрамоқда. Футбол мутасаддилари ...
Блоглар
20 июл 2022
Ўзбек халқи кимга, қайси режимга қарам бўлиб келган эдики, энди у ўзини озод, эркин миллат ...
20 июн 2022
1990 йил 20 июнда Ўзбекистон ССР Олий Совети томонидан Мустақиллик декларацияси қабул қилинган эди. Мамлакат ...
17 июн 2022
Биз нима учун ўзбек жамиятида «аёллар ҳуқуқи» деб гапирамиз ва бу кўпчиликка ёқмайди?Бунинг сабабларини билиш ...