Асосий мавзулар
21 октябр 2020

Ғузорда маошсиз қолган минглаб ишчилар заводни остин-устун қилишди

Қашқадарё вилояти Ғузор туманидаги “Enter Engineering Pte.Ltd” заводи ишчилари 21 октябрь тонгида ғалаён кўтариб, завод маъмурий биносини остин-устун қилишди.

«Элтуз» таҳририятига тақдим этилган видеода юзлаб ишчилар қўзғолони акс этган.

Видео ва «Элтуз» суҳбатлашган гувоҳлар сўзларидан маълум бўлишича, стихияли исён пайтида завод маъмурияти биносидаги оргтехника ва маъмурий бинодаги жиҳозлар синдирилган.

Завод ишчилари сўзларига кўра, улар камида уч ойдан буён маош олмаган.

Ишчилар, шунингдек, икки кун давомида овқатсиз қолгани ва бу ғалаёнга сабаб бўлганини айтишмоқда.

Ҳодиса юзасидан «Элтуз» мухбири “Enter Engineering Pte.Ltd.” компанияси матбуот хизмати билан боғланди.

Матбуот хизмати хабарига кўра, ҳодиса 21 октябрь куни эрталаб, ишчилар учун мўлжалланган ошхонадаги моноблок тизимидаги (электрон кириш тизими) техник носозлик туфайли содир бўлган, оқибатда улар доимий овқатланадиган тамаддихонага кира олмаганлар.

Бу эса норозиликларни келтириб чиқарган.

Ғалаёнда иштирок этган завод ишчисининг айтишича, техник ходимлар 2 соатдан ошиқроқ вақт давомида моноблок тизимидаги носозликни тузатган, бироқ ишчилар овқатланишга киришни хоҳламаган.

Улар маошларнинг тўланишини талаб қила бошлаганлар.

Аммо компания матбуот хизмати ходими ишчилар норозилигига ойлик маошнинг дахли йўқлигини айтди.

«Элтуз» мухбири билан телефон орқали суҳбатлашган Бекзод исмли ишчи сўзларига кўра, завод ишчилари камида уч ойдан буён маош олишмаган.

Тасдиқланмаган маълумотларга кўра, тушликка яқин ишчилар ғалаёнини бостириш учун Ички ишлар, Миллий гвардия ва Давлат хавфсизлик хизмати кучлари ташланган.

Қашқадарё вилояти Ғузор туманида барпо этилган “Uzbekistan GTL” заводи синтетик суюқ ёнилғи ишлаб чиқаришга ихтисослашган.

«Элтуз» воқеалар ривожини кузатишда давом этмоқда.

Eltuz.com

Тағин ўқинг
12 ноябр 2018
Яқинда Ўзбекистон Президенти Шавкат Мирзиёев давлат ҳокимияти органлари раҳбарларининг мажбурий меҳнат кўринишларига йўл қўймаслик борасидаги жавобгарлигини ошириш тўғрисида фармон ...
17 феврал 2018
Ўзбекистон телеканалларидан бирида намойиш қилинаëтган “Севги изтироблари” кўп қисмли фильми душанба кунидан бошлаб эфир сеткасидан ташланади. Бу ҳақда «Элтуз»га ...
29 август 2023
Пойтахтнинг кўпқаватли уйларидан бирида қўшнисиникида бўлаётган миллий тўй урф одатларига нафрати жўш урган аёл акс этган видео Элтузга етиб ...
11 апрел 2020
10 апрель – Абдулла Қодирий таваллуд топган кунда президент томонидан Ўзбекистон Республикасининг «Ўзбек тили байрами кунини белгилаш тўғрисида»ги қонуни ...
Блоглар
17 март 2024
Рассом Туз бир мавзу муҳокамасини бошласа ағдар тўнтарини чиқариб барча қирраларини ўрганади. Танганинг ағиниям¸ бағиниям¸ ...
14 феврал 2024
«Ёшлар» телеканалида содир бўлаётган коррупция олдида «Спорт» телеканали директори Зоҳид Каримов қўй оғзидан чўп ололмайдиган ...
13 феврал 2024
Тармоқнинг ўзбек сегменти ўзбек давлат рамзларига нафратни парваришламоқда. Ижтимоий тармоқларда маҳалла раиси ва фаолларнинг давлат ...