Асосий мавзулар
27 октябр 2020

Сенатор МХХ жосусликда айблаган маҳкум билан учрашди

Сурхондарё вилоятидаги 41-манзил колонияда қолаётган асли тожикистонлик Абдуғани Эрдонов сенатор Иминов билан учрашувдан сўнг яна озодликка чиқишига умид уйғонгани ҳақида билдирди.

Тожикистон фойдасига жосусликда айбланиб, 8 йилдан буён қамоқда қолаётган 62 яшар маҳкум Абдуғани Эрдоновнинг «Элтуз»га маълум қилишича, у Ўзбекистон Олий Мажлиси Сенатининг Фан, таълим ва соғлиқни сақлаш қўмитаси раиси Одилжон Иминов билан 21 октябрь куни учрашган.

«Менинг етти йиллик орзуим амалга ошди. Шу пайтгача (ҳукуматдан) бир инсон мен билан гаплашмаган эди. Бир соатча гаплашдик. Енгил бир суҳбат ўтказишди. Юрагимдаги ҳамма гапларимни айтдим», деди Эрдонов «Элтуз»га берган интервьюсида.

Эрдоновнинг «Элтуз»га билдиришича, сенатор Иминов унга Эрдоновлар масаласи Сенат раиси Танзила Норбоева назоратига олингани, айни масалани кўриш мақсадида у билан суҳбат қилгани келганини айтган.  

Қамоқ жазосининг 5 йилини машъум Жаслиқ зонасида ўтаган, манзил колониясига ўтказилганидан буён ўзига нисбатан қийноқлар бўлмаётганини билдирган Эрдонов ўтган давр мобайнида анча соғлиғини йўқотганини қайд этди.

Эрдонов узоқ давом этган тергов ва ҳибслар чоғида унинг иши бўйича айбланганлардан учта аёл оғир қийноқларга дош бера олмасдан ўлгани, ҳозир у билан бирга бир ўғли ҳам қамоқда қолаётганини айтди.

Абдуғани Эрдонов 2013 йили ўнлаб қариндошлари билан бирга МХХ подполковниги Нодир Тўрақулов гуруҳи томонидан уйдирилган айбловлар бўйича қамоққа олинган эди.

2014 йил Сурхондарё вилояти жиноят ишлари суди гуруҳнинг барча аъзоларини 5 йилдан 20 йилгача бўлган муддатларга қамоқ жазосига ҳукм қилди. Эркаклар жазони ўтагани Жаслиққа жўнатилди.

2018 йили МХХнинг Сурхондарё вилояти бошқармаси тергов бўлими собиқ бошлиғи Нодир Тўрақулов ЖКнинг 11 моддаси, жумладан, тамагирлик, ўзлаштириш, порахўрлик, ҳужжатларни қалбакилаштириш, айбсизларни жавобгарликка тортиш, қийноқлар қўллаш, ҳокимият ваколатларини суиистеъмол қилиш каби жиноятларда айбланиб 16 йилга қамалди.

Бироқ Тўрақулов уйдирган жиноят иши ўзгаришсиз қолди. “Элтуз” олдин хабар берганидек, жорий йилнинг февралида ўтиши керак бўлган суд 7 апрелга сурилди. Кейин эса коронавирус карантини боис номаълум муддатга қолдирилган эди.

Eltuz.com

Тағин ўқинг
30 ноябр 2021
Eurasianet нашри президент Мирзиёевнинг Россияга ташрифи Ўзбекистоннинг Россия етовидаги Евроосиё иқтисодий иттифоқига қўшилиши керакми ёки йўқлиги ҳақидаги қизғин баҳс-мунозараларга ...
25 феврал 2022
Қадрдонларим бормисиз? Омонмисиз? Ўтган хафта касал бўлганлар бугун тузалганидан¸ ўткан ҳафта пули йўқлар бугун бойиб битиб кетганидан хурсандман. Бугун ...
9 апрел 2016
Ўзбекистонда битирувчилардан иш билан таъминлангани, кўплари эса уй ишларига бандлиги юзасидан қўшиб ёзишлар бўлаётгани, иш ҳақи эса ниҳоятда пастлиги ...
6 апрел 2020
Карантин боис уйда ўтирган ўзбек шоири ва мухолифат лидери Муҳаммад Солиҳ эндиликда китоб ўқишга ва янги асарлар ёзишга кўпроқ ...
Блоглар
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...
20 декабр 2022
Улуғ ўзбек шоири ва муҳолифат лидери Муҳаммад Солиҳ суҳбатнинг 17-қисми мухолифат ва ҳокимиятнинг келажаги ҳақида ...