Асосий мавзулар
8 декабр 2020

Ҳоким қарори устидан судга арз қилган фермернинг ўлиги топилди

Навоий вилоятининг Хатирчи туманида жасади 6 ноябрь куни катта ариқдан топилган 55 яшар фермер Музаффар Муҳаммадиевнинг яқинлари у туман ҳокимига яқин шахслар томонидан ўлдирилганини иддао қилмоқда.

Аммо туман суд тиббий экспертизаси 27 ноябрь куни чиқарган хулосада марҳум алкогол ичимлик истеъмол қилгани, ариққа йиқилиб, нафас йўлига сув кетиши оқибатида ўлгани қайд этилган.

Воқеадан бир кун бурун, 5 ноябрь куни Хатирчи тумани маъмурий судида туман ҳокими Ғ.Алиев чиқарган қарор ва фармойишлардан норози (марҳум) Муҳаммадиевнинг даъво аризасига кўра суд мажлиси бўлган, бироқ ҳокимлик вакиллари қатнашмагани сабабли суд 12 ноябрга қолдирилган эди.

«Суд ишига ижара шартномаси асосида Муҳаммадиевга тегишли “Шерали Бобур 2018” фермер хўжалигига 49 йилга ажратилган ер майдонининг туман ҳокими қарори билан 3 нафар фуқарога ўтказилиши билан боғлиқ ўзаро келишмовчиликлар сабаб бўлган эди, – дейди марҳумнинг акаси Ҳамро Мустафоев.

– Ўша куни суддан кейин кечқурун марҳум укам маҳалладоши П.О.нинг хонадонида Ў.А., Қ. Ш. билан биргаликда ўтиришган. Ушбу ўтириш жараёнида ўртада жанжал келиб чиқиб, тезда тарқалишган. Аммо марҳум укам уйига кетаётганда уй эгаси П.О. укамни уйига мажбурлаб киритган. Ушбу хонадондаги ўзаро тортишувларни қўни-қўшнилар эшитган».

Мустафоевнинг тахмин ва иддаоларига кўра, шу куни маҳалладошлари унинг укасини ушбу уйдан олиб чиқиб кетишган, кейин қасддан ўлдириб, жасадни катта ариққа ташлаб юборишган.

Муҳаммадиевнинг жасади эртаси куни соат 10.30 да ариқда юз тубан ётган ҳолда топилган. Унинг тўрт фарзанди етим қолди. Уларнинг каттаси Зиё Музаффаров Навоий давлат кончилик институтида шартнома асосида таҳсил олаётган эди.

Воқеа юзасидан «Элтуз» Хатирчи тумани ички ишлар бўлими билан боғланди. Телефонга жавоб берган ИИБ ходими ишнинг прокуратура томонидан кўриб чиқилаётганини билдирди.

Eltuz.com

Тағин ўқинг
14 феврал 2020
Рассом Кирпи
28 март 2023
Тошкент марказидаги музейда Рауф Парфи ҳайкали тантанали очилгани ва Каримов даврида хор зор бўлган Чўлпон портрети намойиш қилингани ҳақидаги ...
23 декабр 2019
2015-2017 йилларда Ўзбекистон фуқароларининг “бузуқлар маскани” деб эълон қилинган квартиралари ва уйларини оммавий равишда мусодара қилиш ҳолатларини ўрганиш муҳим ...
13 май 2019
Боя сайтда фирибгарлик айби билан қўлга олинган мансабдор ҳақида бир мақола пайдо бўлди. Кейин кириб қарасам, мақола ўчиртирилган. Ва ...
Блоглар
28 май 2024
Мен миллатчи эмасман! Лекин қайтадан таъмирлатилган ва Тошкент шаҳрининг собиқ ҳокими Ж. Ортиқхўжаев томонидан Пасхага ...
11 май 2024
1944 йилнинг 11 майида Сталин барча қрим татарларини Қримдан сургун қилиш ҳақидаги машъум қарорни имзолади. ...
6 май 2024
Ҳайрли кун! Урганч шаҳрида яшайман. Бугун қуйидаги воқеа юз берди: мен автобусда телефонда гаплашиб тургандим. ...