Асосий мавзулар
29 июн 2021

Келинни қайнсинглиси ўлдиргани иддао қилинмоқда

Ўз жонига қасд қилганликда гумонланаётган 26 ёшли Мафтуна Азимова 30 май куни Фарғона вилоятининг Учкўприк тумани шифохонасида вафот этди.

Суд тиббий экспертизаси хулосасига кўра, унинг ўлимига парацетамол ва диазалин дориларини кўп миқдорда ичгани сабаб бўлган. Қизнинг яқинлари эса уни қайнсинглиси ва қайнонаси калтаклангани, кейин мажбурлаб дори ичиришганини иддао қилишмоқда.

Қизнинг отаси Икромжон Назаров шу куни эрталаб соат 7 да қизи уйида жанжал бўлганини айтиб қўнғироқ қилгани, у эса қизини муросага чақирганини айтади.

«Дада, бу уйдан мени олиб кетинг», деб қўнғироқ қилди. Мен бордим. «Қизим, ҳамма оилада ҳам шундай бўлиб туради. Турмуш – мушт. Унинг муштларига чидайсан. Сабр қил», деб қизимни юпатдим”, дейди Назаров.

Қизнинг отасига кўра, ўша куни жанжал дастлаб 2 литр сутнинг ачиб қолганидан келиб чиққан.

«Эридан ажралиб келган қайнсинглиси уни «Нега сутни увол қилдинг!» деб уриб, куйлакларини йиртиб ташлаган экан», дейди қизнинг отаси.

Бу пайтда уйда қизи билан бирга унинг қайнонаси, қайнсинглиси ва куёви Иқболжон Аъзамов ҳам бўлган.  

Қизнинг яқинларига кўра, катта жанжал отаси кетганидан кейин давом этган. Қизнинг айвонга бориб йиқилганини кўрган қайинлари уни ҳушига келтиришга уринишган. Куёви етиб келиб унга укол ҳам қилган.

Қизнинг отаси, шунингдек, уни реанимацияга ўлик ҳолда олиб боришганини, қизининг ички кийимлари ҳам бўлмаганини айтади.

“Тушликдан кейин, соат 3.00 ларда тез етиб келинг, деб қўнғироқ қилишди. Борсам, реанимациядан бошқа жойга кўчиришган экан. Мен ўша ерда қизимнинг баданида ва иягида жароҳат излари борлигини кўрдим. Бу излар уни эрталаб кўрганимда йўқ эди”, дейди Назаров.

Назаровнинг «Элтуз»га айтишича, туман тиббиёт бирлашмаси экспертиза бўлими, туман ички ишлар бўлими ва прокуратураси бу ишни бости-бости қилмоқчи. Сабаби, куёвнинг тоғаси катта ишда ишлармиш. Битта тоғасининг ўғли вилоят ҳокимининг ўринбосари экан.

«Қизим олий маълумотли эди, унинг орзулари кўп эди. Бир ярим яшар қизи бор эди. Мен қизимнинг ўз жонига қасд қилганига ишонмайман», дейди Мафтунанинг отаси.

Унинг қизи Фарғона вилоятининг Учкўприк тумани Тегирмон қишлоғидан шу туманнинг Кенагас қишлоғига келин бўлиб тушган, бир ярим яшар қизи бор, эри тиш доктори эди.

Eltuz.com

Тағин ўқинг
22 октябр 2018
Москвада Каримов ҳайкали очилган 18 октябрь куни ўзбек мигрантларидан бири ҳайкал олдида таъзим қилиб, унинг пойини ўпди. Абсурд ҳолат ...
7 сентябр 2020
Бизда бугундан совуқроқ кузак шамоли бошланди. Мен каби совуққа юпқа одамлар енги узун кўйлак кийиб олдик. Бир бошдан ҳосилларни ...
5 май 2016
«Гумроҳлар», «Алданган аёл», «Ажал жодуси», «Odnoklassniki» каби бугунги ҳукуматнинг мафкуравий талабларига жавоб берадиган фильмлар режиссёри Ҳилол Насимов бу каби ...
16 декабр 2019
Таниқли сиёсатчи ва шоир Муҳаммад Солиҳ “Бегона” фильмининг 7-қисмида 80-йилларнинг оҳирида Ўзбекистонда халқ иродаси билан совет тузумига қарши миллий ...
Блоглар
13 октябр 2021
(Таниқли шоир ва сиёсатчи Муҳаммад Солиҳнинг “Императив” китобидан 35-қисм. Аудиокитоб матнини муаллифнинг ўзи ўқиган. Давоми ...
5 октябр 2021
XIX аср ўрталарига келиб Туркистондаги уч мамлакат – Қўқон, Хива ва Бухоро хонликларини уч йирик ...
3 октябр 2021
(Таниқли шоир ва сиёсатчи Муҳаммад Солиҳнинг “Императив” китобидан 33-қисм. Аудиокитоб матнини муаллифнинг ўзи ўқиган. Давоми ...